Mumbai Crime News: रागात बघितलं म्हणून केली हत्या; तिघांवर गुन्हा दाखल

Mumbai Murder News: मुंबईतून एक धक्कादायक बातनी समोर आली आहे. मुंबईच्या (Mumbai) माटुंगा लेबर कॅम्प परिसरात पूर्व वैमन्यासातून एका २८ वर्षीय तरुणांची हत्या करण्यात आली आहे. रोनित भालेराव असे या मृत तरुणाचे नाव आहे. या हत्येप्रकरणी पोलिसांनी रुपेश सौदे, मनिष राठोड, सागर साळवी या तिघांना अटक केली आहे. (Mumbai Latest News)

पोलिसांनी दिलेल्या माहितीनुसार, मृत तरुण आणि अटक केलेला आरोपी एकाच परिसरात रहात असून दोघांमध्ये पूर्वीपासूनच वाद होते. यादरम्यान रविवारी दुपारी शेरावती देवी मंदीरासमोर आरोपी उभे असताना रोहितही तेथे होता. त्यावेळी रोहित रागात बघत असल्याचे कारण देत तिघांनी त्याला जबर मारहाण (Crime) केली. या मारहाणीत रोहितचा जागीच मृत्यू झाला. या प्रकरणी शाहू नगर पोलिसांनी तीनही आरोपींवर ३०२, ३२४, ३२३, ५०४, ५०६, ३४ भादवी कलमांतर्गत गुन्हा दाखल केला आहे.

Edited By - Akshay Baisane