मुंबई: कल्याणमध्ये (Kalyan) एका ज्वेलर्सने (Jewelers) परताव्याचे आमिष दाखवून ग्राहकांना (customers) लुबाडल्याची घटना समोर आली आहे. मे एस कुमार गोल्ड अन्ड डायमंड या कल्याण (Kalyan) पश्चिमेकडील ज्वेलर्सने 4 वर्षाच्या कालावधीत ग्राहकासाठी मासिक भिशी योजना, फिक्स्ड डीपोझीट योजना यासारख्या योजनांच्या माध्यमातून 15 ते 18 टक्के व्याजदराने परतावा देण्याचे आमिष दाखवत 24 जणांची 1 कोटी 56 लाख 74 हजार 539 रुपयाची फसवणूक केल्याचे उघड झाले आहे.
हे देखील पहा-
या प्रकरणी 24 ग्राहकांनी केलेल्या तक्रारीवरून महात्मा फुले पोलीस (Police) ठाण्यात गुन्हा दाखल करण्यात आला आहे. पोलीस (Police) फरार संचालक पिल्लईचा पोलीस शोध घेत आहेत. आत्ता हे शोरुम बंद झाला आहे. शोरुम बंद करुन शोरुमचा मालक श्रीकुमार पिल्लई हा पसार झाला आहे. देशभरात एस. कुमार ज्वेलर्सचे 13 शोरुम असल्याची माहिती समोर आली आहे. महात्मा फुले पोलिसांनी (Police) गुन्हा दाखल करत पुढील तपास सुरु केला आहे.
यापूर्वी देखील काही ज्वेलर्स कडून स्कीम च्या नावाखाली पैसे गुंतवणूक करून घेत ग्राहकांना गंडा घातल्याची घटना समोर आले आहेत. ग्राहक देखील जादा परताव्याच्या आमिषाला भुलून अशा ठिकाणी गुंतवणूक करतात. त्यामुळे आता ग्राहकांना देखील अशा योजनांची शहानिशा करत गुंतवणूक करने देखील तितकेच गरजेचे आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
