
ईद-ए-मिलादनिमित्त ५ सप्टेंबरची सुट्टी आता ८ सप्टेंबर रोजी देण्यात येणार
बदललेली तारीख फक्त मुंबई शहर व उपनगर जिल्ह्यांसाठी लागू आहे.
इतर जिल्ह्यांमध्ये सुट्टी पूर्वीप्रमाणे ५ सप्टेंबर रोजीच राहणार
मुस्लिम समाजाच्या विनंतीनुसार आणि अनंत चतुर्दशीच्या पार्श्वभूमीवर हा निर्णय घेण्यात आलाय
Public Holiday 2025 : राज्य सरकारने ईद-ए-मिलादनिमित्त शासकीय सुट्टीच्या तारखेत मोठा बदल केला आहे. शासकीय निर्णयानुसार ५ सप्टेंबर २०२५ रोजीची शासकीय सुट्टी ८ सप्टेंबर रोजी जाहीर केली आहे. या निर्णयानुसार मुंबई आणि उपनगर जिल्ह्यातील सरकारी कर्मचाऱ्यांना आता ईदची सुट्टी ८ सप्टेंबर रोजी मिळणार आहे.
मिळालेल्या माहितीनुसार, ईद-ए-मिलाद निमित्त मुंबई शहर आणि मुंबई उपनगर जिल्ह्यात सार्वजनिक सुट्टी ५ सप्टेंबरला जाहीर करण्यात आली होती. आता ही सुट्टी शुक्रवार ५ सप्टेंबर ऐवजी सोमवार ८ सप्टेंबर रोजी असणार आहे. मुंबई शहर आणि उपनगर जिल्ह्याव्यतिरिक्त इतर जिल्ह्यांसाठी शुक्रवार ५ सप्टेंबर ही सार्वजनिक सुट्टीची तारीख कायम ठेवण्यात येत आहे.
शनिवार ६ सप्टेंबर रोजी अनंत चतुर्दशी हा हिंदूचा सण आहे. राज्यात बंधुता आणि हिंदू - मुस्लिम ऐक्य राखण्यासाठी मुस्लीम समुदायाने जुलूसचा कार्यक्रम ८ सप्टेंबर २०२५ रोजी घेण्याचा निर्णय घेतलाय. यासाठी शुक्रवार दि. ५ सप्टेंबर रोजीची सुट्टी आता सोमवार दि. ८ सप्टेंबर रोजी देण्यात येणार आहे. मुंबई शहर व उपनगरातील शासकीय कार्यालये ५ सप्टेंबर रोजी नियमित सुरु राहतील, अशी माहिती सामान्य प्रशासन विभागाने परिपत्रकाद्वारे दिली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.