Vaishnavi Hagawane : हगवणेंचं घर की सुनांची छळछावणी? हगवणेंकडून मोठ्या सुनेचाही छळ, मयुरीनं दाखवले छळाचे पुरावे

वैष्णवीच्या मृत्यूनंतर हगवणे कुटुंबाचे नवनवे कारनामे समोर येण्यास सुरुवात झालीय....हगवणेंची मोठी सून मयुरीनं माध्यमांसमोर हगवणेंच्या छळछावणीचं धक्कादायक वास्तव मांडलंय..नणंद करिश्मा, सासू लता, सासरा राजेंद्र आणि दीर शशांकच्या बेदम मारहाणीला कंटाळूनच आपण माहेर गाठल्याचं मयुरीनं सांगितलंय...

2022 मध्ये लग्न झाल्यानंतर मयुरीचा छळ सुरु झाला... सततची शिवीगाळ, बेदम मारहाण असह्य झाली. त्यामुळे मयुरीनं आपल्यावर होणाऱ्या अन्यायाविरोधात जानेवारीमध्येच पौड पोलीस ठाण्यात तक्रार केली. मात्र पोलीसांनी तक्रार घेतली नसल्याचा गंभीर आरोप मयुरीनं केलाय...लहान जाव वैष्णवीच्या मृत्यूनंतर मयुरीनं आपल्यासोबत घडलेल्या छळाची कहाणीच सांगितलीय...

हगवणेंची छळछावणी, मयुरीची कहाणी

- वैष्णवी आणि मला एकत्र बोलू देत नव्हते

- नणंद, सासू, सासरे आणि वैष्णवीचा नवरा तिला मारहाण करायचे

- हुंड्यासाठी तिचा कायम छळ करायचे

- वैष्णवीचा नवरा मलाही मारायचा

- माझ्या नवऱ्यालाही शशांककडून मारहाण

- कुटुंबातील लोकांची प्रवृत्ती माहित असल्याने नवऱ्यानं माहेरी सोडलं

हगवणेंची मोठी सून मयुरीच्या तक्रारीची दखल पोलिसांनी का घेतली नाही? महिला आयोगानंही मयुरीच्या तक्रारीची दखल वेळीच घेतली असती तर कदाचित वैष्णवीचा जीव वाचला असता... मात्र आता उशीरानं जागं आलेल्या महिला व बालकल्याण मंत्र्यांनी हलगर्जीपणा करणाऱ्या अधिकाऱ्यांवर कारवाईचे संकेत दिलेत..

तु पैसे दिले नाही म्हणून तुझ्या मुलीला मारुन टाकलं, अशी निर्लज्जपणे कबुली शशांक हगवणेनं दिल्याचा आरोप वैष्णवीच्या वडिलांनी केलाय.. मात्र हगवणेंमध्ये एवढा माज कुठून आला? पोलिसांवर जानेवारीमध्ये कारवाई न करण्यासाठी राजकीय दबाव होता का? असे अनेक प्रश्न निर्माण झालेत...