संतापजनक! गुंगीच्या औषधाचा स्प्रे मारुन सामुहिक बलात्कार, पार्टीत तरूणीच्या घरी नेमकं काय घडलं?

पुणे: पार्टीनिमित्त घरी आलेल्या ओळखीच्या तरुणांनी एका तरुणीवर गुंगीच्या औषधाचा स्प्रे मारुन सामुहिक बलात्कार केल्याची धक्कादायक घटना उडकीस आली आहे. याप्रकरणी कोंढवा पोलिसांनी (Police) राकेश आढाव राहणार विमाननगर , मोहम्मद शहानवाजउद्दीन सर्फउद्दीन, मोहम्मद शरीफनवाज सर्फउद्दीन दोघेही राहणार औरंगाबाद यांना अटक केली आहे.

पोलिसांनी दिलेल्या माहितीनुसार, कोंढवा (Kondhwa) येथील एका सोसायटीमध्ये ९ तारखेला पीडित तरुणीच्या मैत्रिणीने त्यांच्या फ्लॅटमध्ये पार्टीचे आयोजन केले होतं. या पार्टीसाठी पीडित तरुणीच्या मैत्रिणीने तिचे मित्र राकेश, मोहम्मद यांना देखील बोलावलं होते.

पाहा व्हिडीओ -

दरम्यान, दुपारी तीन वाजण्याच्या सुमारास संबंधित तरुणी आराम करण्यासाठी दुसऱ्या खोलीत गेली तिथेच तिची झोप लागली. ती झोपलेली पाहून तिन आरोपींनी तिच्या तोंडावरती गुंगीचं औषध मारुण तिला आधी बेशुद्ध केलं आणि तिच्यावरती तिघांनी बलात्कार केला.

गुंगी उतरल्यानंतर पीडित मुलगी शुद्धीवर येताच तिला आपल्यासोबत काही तरी विपरित घडल्याचं समताच तिने त्या तिघांविरोधात तक्रार दिली असता पोलिसांनी गुन्हा नोंद केला आणि घटनेचे गांभिर्य ओळखत कोंढवा पोलिसांनी तिघांनाही तत्काळ अटक केली. परिमंडळ पाचच्या पोलिस उपायुक्त नम्रता पाटील यांच्या मार्गदर्शनाखाली वरिष्ठ पोलीस निरीक्षक सरदार पाटील तपास करत आहेत.