लोणावळ्यात दरोड्याच्या तयारीत असलेली टोळी पोलिसांच्या जाळ्यात!

मावळ : लोणावळा (Lonavla) शहरात मोठा दरोडा टाकण्याच्या तयारीत असलेल्या टोळीला लोणावळा शहर पोलिसांनी सापळा रचून  मोठ्या शिताफीने सापळा रचत आज जेरबंद केले. चार जणांना पोलिसांनी ताब्यात घेतले आहेत यापैकी एकजण सराईत गुन्हेगार (Criminal) असून त्याच्यावर बावीस गुन्हे दाखल आहेत. तर इतरांवर चार ते पाच गुन्हे दाखल असून यापैकी दोनजण अल्पवयीन आहेत. चार जणांना जेरबंद करण्यात यश मिळाले असले तरी तर एक जण अंधाराचा फायदा घेऊन पसार झाला आहे.

हे देखील पहा :

सोहेल शेख (वय २०) तर ओमकारसिंग जुनी (वय २१) अशी आरोपींची नावे आहेत. (इतर दोन आरोपी अल्पवयीन आहेत) त्यांच्याकडून दरोड्यासाठी (Robbery) आणण्यात आलेले लोखंडी गोल पाईप, कटावण्या, लाल रंगाची छन्नी, विळा, स्क्रू ड्रायव्हर, वस्तारा, चाकू, ब्लेडच्या पाती, कात्री, वायर कटर, लाल मिरचीची पुड असे साहित्य असलेली बँग ताब्यात घेण्यात आली आहे. आरोपींनी लोणावळा (Lonavla) शहरातील पेट्रोल पंप व काही मोठ्या बंगल्यांची रेकी केली होती.

त्याठिकाणी दरोडा टाकण्याच्या पुर्ण तयारीने ते लोणावळ्यात दाखल झाले होते. मात्र पोलिसांच्या सर्तकेमुळे मोठा गुन्हा टळला आहे. काल खंडाळा भागात रात्रगस्त सुरु असताना पोलीस (Police) काँन्स्टेबल सतिश कुदळे यांना त्यांच्या गुप्त बातमीदारमार्फत बातमी मिळाली की, खंडाळा (Khandala) गावच्या हद्दीत टाटा डक लाईन येथील पडीक डिपी रूम मध्ये काही इसम दरोडा घालण्याच्या तयारीत बसलेले आहेत. या माहितीच्या आधारे लोणावळा शहरचे गुन्हे प्रकटीकरण पथकाने खंडाळा गावचे हद्दीतील टाटा डक लाईनचे जवळ असलेल्या पडीक डी.पी रूम समोर सापळा लावत आरोपींना ताब्यात घेतले. अधिक तपास लोणावळा पोलीस करीत आहे.

Edited By : Krushnarav Sathe