Leopard Trapped In Loni : नरभक्षक बिबट्यासाठी 16 पिंजरे, ड्राेन कॅमे-याची नजर; लाेणीत तीन बिबटे जेरबंद

- सचिन बनसाेडे

Ahmednagar News :

अहमदनगर जिल्ह्यातील लोणी (loni) परीसरात बिबट्यांनी (leopard) धुमाकूळ घातला हाेता. बिबट्याच्या हल्ल्यात दोन लहान मुलांना आपला जिव गमवावा लागला. यामुळे ग्रामस्थ संतप्त झाले हाेते. अखेर पंधरा दिवसांपासुन बिबट्याला पकडण्यासाठी सुरु असलेल्या प्रयत्नांना यश आले आहे. लोणी गावच्या परिसरात आत्तापर्यंत तीन बिबट्यांना जेरबंद करण्यात आले आहे. (Maharashtra News)

राहाता तालुक्यातील लोणी गावात दहा दिवसापूर्वी एका नऊ वर्षीय मुलावर बिबट्याने हल्ला केला होता. त्यात त्याला आपला जिव गमवावा लागला. ही घटना ताजी असतानाच लोणी गावाशेजारी असणा-या सादतपूर परिसरात बिबट्याच्या हल्ल्यात चार वर्षीय मुलाचा बळी गेला.

बिबट्याला पकडण्यासाठी वन विभागाने जवळपास 16 पिंजरे लावले आहेत. ड्रोनच्या साहाय्यानेही बिबट्यांचा शोध घेतला गेला. या परिसरात अनेक बिबटे असून नरभक्षक बिबट्याला शोधण्याचे काम तसं अवघड समजले जाते. तरी देखील वनविभागाने बिबट्याला पकडण्यासाठी प्रयत्न सुरु ठेवले. त्यातूनच आत्तापर्यंत तीन बिबट्यांना जेरबंद करण्यात आले आहे.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान नरभक्षक बिबट्याला पकडण्यासाठी वनविभागाचे प्रयत्न सुरु आहेत. ग्रामस्थांनी, नागरिकांनी काळजी घ्यावी असे आवाहन वनविभागाने केले आहे.

Edited By : Siddharth Latkar