Pune News: एकाच कुटुंबातील तिघांचा आत्महत्येचा प्रयत्न, वडिलांचा मृत्यू; हडपसरमधील घटनेने खळबळ

अक्षय बडवे

Pune News : पुण्यात एकाच कुटुंबातील तिघांनी आत्महत्येचा प्रयत्न केल्याने खळबळ उडाली आहे. आई वडील आणि मुलाने विषप्राशन करुन आत्महत्येचा प्रयत्न केला आहे. कॅन्सर सारख्या आजाराला कंटाळून त्यांनी हे टोकाचं पाऊल उचलल्याची माहिती समोर आली आहे.

पुण्यातील हडपसर भागात ही घटना घडाली असून यामध्ये वडिलांचा मृत्यू झाला आहे. सूर्यप्रकाश अबनावे (७२), चेतन अबनावे (४०) आणि जनाबाई अबनावे (६०) अशी आत्महत्या केलेल्यांची नावे आहेत.

प्राथमिक माहितीनुसार, चेतन अबनावे हा स्वतः आजारी असायचा त्याला अनेक वेळा फीट येत असत. शिवाय त्याच्या आईला कॅन्सर होता. आजारपणाला कंटाळून या तिघांनी जीवन संपवायचं ठरवल्याचं कळतंय. (Crime news)

आज संध्याकाळी तिघांनी हडपसर येथील राहत्या घरी जेवणातून विषप्राशन करत आत्महत्या करण्याचा प्रयत्न केला. यात वडिलांचा मृत्यू झाला तर आई आणि मुलगा हे शेजाऱ्यांच्या प्रसंगावधानामुळे बचाचले आहेत. (Latest News Update)

शेजारी राहत असलेल्या नागरिकांनी घटनेची माहिती मिळताच तातडीने सर्वांना रुग्णालयात दाखल केले. तिथे डॉक्टरांना सूर्यप्रकाश यांना मृत घोषित केलं चेतन आणि जनाबाई यांच्यावर सध्या उपचार सुरु आहेत.