Maharashtra Politics : ऐन दसरा मेळाव्यात एकनाथ शिंदेंचा झटका; दोन बड्या नेत्यांचा शिवसेनेत प्रवेश

आगामी स्थानिक स्वराज्य संस्थांच्या निवडणुकीसाठी एकनाथ शिंदे यांच्या शिवसेनेने जोरदार मोर्चेबांधणी सुरु केली आहे. राज्यातील विविध भागात एकनाथ शिंदे यांच्या शिवसेनेने बैठकांचा सपाटा लावला आहे. या निवडणुकीच्या आधी आयोजित दसरा मेळाव्याच्या दिवशी एकनाथ शिंदे यांनी उद्धव ठाकरे यांना मोठा धक्का दिला आहे. दसरा मेळाव्याच्या दिवशी माजी आमदार राजन तेली आणि माजी आमदार अण्णासाहेब माने यांनी शिवसेनेत प्रवेश केला आहे. दोन्ही माजी आमदारांच्या शिवसेना पक्षप्रवेशामुळे एकनाथ शिंदे यांची ताकद वाढल्याची चर्चा सुरु झाली आहे.

आगामी स्थानिक स्वराज्य निवडणुकीचे पडघम वाजायला सुरुवात झाली आहे. काही ठिकाणी राजकीय पक्षांकडून उमेदवारांची चाचपणी सुरु झाली आहे. तर काही राजकीय नेत्यांकडून मतदारसंघात मोर्चेबांधणी सुरु आहे. एकनाथ शिंदे यांच्या शिवसेनेने आगामी निवडणुकीसाठी मोठी फिल्डिंग लावल्याचं दिसत आहे. एकनाथ शिंदे यांनी छत्रपती संभाजीनगर आणि सिंधुदुर्गात मोठे झटके दिले आहेत.

छत्रपती संभाजीनगरच्या गंगापूरमधील माजी आमदार अण्णासाहेब माने आणि सिंधुदुर्गातील राजन तेली यांनी एकनात शिंदे यांच्या शिवसेनेत प्रवेश केला आहे. दोन्ही नेत्यांनी एकनाथ शिंदे यांच्या शिवसेनेत प्रवेश केला आहे. दोन्ही नेत्यांना प्रवेश देऊन एकनाथ शिंदे यांनी दसरा मेळाव्याच्या दिवशी उद्धव ठाकरेंना मोठा झटका दिला आहे.