ठाकरेंचे निष्ठावंत शिंदेंच्या गळाला? नाराज सकपाळांची शिंदेंकडून भेट

मुंबई महापालिका निवडणुकीच्या तोंडावर ठाकरेंना धक्क्यावर धक्के बसत आहेत..त्यातच आता शिंदेंनी ठाकरेसेनेच्या बालेकिल्ल्यालाच हात घातलाय... ही दृश्य पाहा... दगडू सकपाळांच्या नाराजीच्या पार्श्वभुमीवर.उपमुख्यमंत्री एकनाथ शिंदेंनी थेट त्यांची भेट घेत राजकीय डाव टाकला. साहजिकच याभेटीनंतर सकपाळांच्या शिंदेसेनेच्या प्रवेशाच्या बातम्यांची चर्चा सुरू झाली..

सकपाळ यांना ठाकरेंचे निष्ठावंत म्हणून ओळखलं जातं.. तर लालबाग परळमध्ये दगडू सकपाळांचं मोठा प्रभाव आहे... असं असतानाही दगडू सकपाळांनी मुलगी रेश्मा सकपाळ यांच्यासाठी प्रभाग 203 मधून उमेदवारी मागितली होती...मात्र ठाकरेंनी भारती पेडणेकरांना उमेदवारी दिली.. त्यामुळं सकपाळांनी नाराज असल्याची कबुलीच दिलीय.. तर राऊतांनी सकपाळांची नाराजी दूर करण्याचं आश्वासन दिलंय...

दगडू सकपाळ हे 1999 ते 2009 पर्यंत परळचे आमदार होते... मात्र परळचं विभाजन होऊन शिवडी मतदारसंघ तयार झाला.... त्यानंतर शिवडीतून त्यांचा पराभव झाला.. मात्र लालबाग आणि परळमध्ये सकपाळांचं वर्चस्व कायम आहे.. आता ठाकरेंचा बालेकिल्ला मानल्या जाणाऱ्या लालबाग परळमध्ये मातोश्रीचे निष्ठावंत मानल्या जाणाऱ्या अनिल कोकीळ यांच्यासारख्या कडवट शिवसैनिकानंतर आता सकपाळांना शिंदेंनी गळाला लावल्यास त्याचा लालबाग परळ या बालेकिल्ल्यात ठाकरेसेनेला मोठा फटका बसण्याची शक्यता आहे... त्यामुळे ठाकरे हे दगडू सकपाळांची मनधरणी करण्यात यशस्वी होणार की सकपाळ महापालिका निवडणुकीत शिंदेंना बळ देणार? यावर लालबाग परळमधील विजयाचं गणित अवलंबून असणार आहे...