पुणे जमीन घोटाळा प्रकरण: एकनाथ खडसे मुंबई सेशन कोर्टात अनुपस्थित

पुणे जमीन घोटाळा प्रकरणी माजी मंत्री एकनाथ खडसे (Eknath Khadse) मुंबई सेशन कोर्टात (Mumbai Session Court) अनुपस्थित राहिले आहेत. खडसे आजारी असल्याने येऊ शकत नसल्याची माहिती वाकिलांनी कोर्टात दिली आहे. क्रिटिकल ऑपरेशनसाठी बॉम्बे हॉसपिटलमध्ये दाखल असल्याची प्राथमिक माहिती मिळत आहे. पत्नी मंदाकिनी खडसे यांनी अटकपूर्व जामिनसाठी अर्ज दाखल केला आहे. ईडी तर्फे ह्या प्रकरणात चार्ज शीट फाईल करण्यात आली होती, त्यात खडसे आणि त्यांच्या पत्नी मंदाकिनी दोघांना आरोपी म्हणून दाखवण्यात आले होते. हे प्रकरण 2016 चं असुन त्यावेळी खडसे महसूलमंत्री असताना पदाचा चुकीचा वापर करून ही जमीन कमी पैशात खरेदी केल्याचा आरोप सामाजिक कार्यकर्ता अंजली दमानिया यांनी केला होता. या प्रकरणात खड़सेंचे जावई गिरीश चौधरी सध्या अटकेत आहेत.

दरम्यान, भोसरी येथील जमीन खरेदी प्रकरणी एकनाथ खडसे यांच्या पत्नींना मागे ईडीच्या कार्यालयात हजर राहण्याबाबत समन्स बजाविण्यात आले होते. मंदाकिनी खडसे व जावई गिरीश चौधरी Girish Chaudhari यांच्या नावाने एमआयडीसीची MIDC जमीन खरेदी करण्यात आली आहे. याप्रकरणी जावई गिरीश चौधरी यांना अटक करण्यात आले आहेत. चौधरी सध्या न्यायालयीन कोठडीत आहे. यापूर्वी देखील मंदाकिनी खडसे यांना चौकशीसाठी समन्स बजावण्यात आली होती.

दरम्यान एकनाथ खडसे यांनी फडणवीस आणि गिरीश महाजन यांच्यावर अप्रत्यक्ष टीका केली होती. ते म्हणाले होते ''मी जर एकही रुपया अनधिकृत कमवला असेल तर मी तुम्हाला दान करुन टाकेल''. भाजप मधून खडसेंनी राष्ट्रवादीमध्ये प्रवेश केला होता. त्यानंतर खडसे भाजप वरती सतत टीका करत असतात.

Edited By: Pravin Dhamale