Pune Crime News : डिलिव्हरी बॉयकडून तरुणीचा घरात घुसून विनयभंग, खडकी परिसरातील संतापजनक प्रकार

सचिन जाधव

Pune News :

पुण्यातून एक धक्कादायक प्रकार समोर आला आहे. डिलिव्हरी बॉय आपल्या घरी येणे ही खूप सामन्य बाब आहे. परंतु पुण्यातील एका तरुणीला एका भयानक अनुभवाला सामोरं जावं लागलं आहे. सॅनिटरी नॅपकिन घेऊन घरी आलेल्या डिलिव्हरी बॉयने २६ वर्षीय तरुणीचा विनयभंग केल्याचा संतापजनक प्रकार उघडकीस आला आहे.

मोबाईल फोनला चार्जिंग करण्याच्या निमित्ताने संबंधित डिलिव्हरी बॉय घरात घुसला. त्यानंतर त्याने फिर्यादीकडे शरीर सुखाची मागणी केली. वाकडेवाडीतील एका उच्चभ्रू सोसायटीत हा संपूर्ण प्रकार घडला. तरुणीने याप्रकरणी पोलिसात तक्रार दिली आहे. त्यानुसार ऑनलाईन शॉपिंग साईटच्या डिलिव्हरी बॉयविरोधात खडकी पोलीस ठाण्यात गुन्हा दाखल करण्यात आला आहे. (Crime News)

मिळालेल्या माहितीनुसार, तरुणीने ऑनलाईन शॉपिंग साईटवरून घरगुती सामान मागवले होते. ते सामान आल्यानंतर चेक करत असताना त्यात सॅनिटरी पॅडची पॅकिंग फोडल्याचे आढळून आले. दरम्यान त्यांनी ऑनलाईन शॉपिंग साईटला मोबाईलवरून फाटलेल्या सॅनिटरी पॅडचा फोटो पाठवला.

त्यानंतर नवीन सॅनिटरी नॅपकिन घेऊन डिलिव्हरी बॉय आला होता. यावर संबंधित डिलिव्हरी बॉयने पैशाची मागणी केली असता तरुणीने ऑनलाईन शॉपिंग साईटशी बोलून घ्या असे त्याला सांगितले.  (Latest Marathi News)

त्यावर डिलिव्हरी बॉयने तुम सेक्स करोगी क्या? अशी विचारणा तरुणीला केली. तसेच अश्लील हावभाव करत मोबाईल फोन चार्जिंग करण्याच्या निमित्ताने घरात येऊन विनयभंग करण्याचा प्रयत्न केला. खडकी पोलिसांनी या प्रकरणी गुन्हा दाखल केला असून अधिक तपास सुरू आहे.