Mumbai : CSMT वर मोठा अपघात टळला, मोटरमनमुळे अनेक जीव वाचले

CSMT Railway Station : मुंबई CSMT स्थानकावर मोटरमनच्या सतर्कतेमुळे मोठा अपघात टळला. प्लॅटफॉर्म ७ वर स्वच्छता यंत्र ट्रॅकवर पडले होते. यामध्ये ज्वलनशील बॅटरी असल्याने आग लागण्याचा धोका होता. रेल्वे कर्मचाऱ्यांनी तातडीने कारवाई केली.

छत्रपती शिवाजी महाराज टर्मिनस (सीएसएमटी) स्थानकात फलाट क्रमांक 7 वर मोठा अपघात टळला. फलाट स्वच्छ करणारी मशीन रेल्वे ट्रॅकवर कोसळली, ज्यामुळे धोका निर्माण झाला. मशीनमध्ये ज्वलनशील बॅटरी असल्याने आग लागण्याचा संभव होता. मात्र, सतर्क मोटरमनने वेळीच लोकल ट्रेन थांबवल्याने मोठी दुर्घटना टळली. घटनास्थळी तातडीने रेल्वे कर्मचारी आणि अग्निशमन दलाने कारवाई केली. यामुळे प्रवाशांमध्ये काही काळ गोंधळ उडाला, पण परिस्थिती नियंत्रणात आली. रेल्वे प्रशासनाने याप्रकरणी चौकशीचे आदेश दिले असून, भविष्यात अशा घटना टाळण्यासाठी उपाययोजना करण्याचे आश्वासन दिले आहे. सुदैवाने कोणतीही जखम किंवा जीवितहानी झाली नाही.