Mumbai News: कोरोनाचा (Corona Virus) वाढता प्रादुर्भाव लक्षात घेता राज्य सरकारकडून (Maharashtra Government) योग्य त्या उपाययोजना केल्या जात आहे. कोरोना रुग्णांचा (Corona Patient) वाढता आकडा रोखण्यासाठी मुंबई महानगर पालिकेकडून शुक्रवारपासून नाकावाटे कोरोना लस देण्यास सुरुवात झाली. या लसीकरण मोहिमेला (Vaccination) नागरिकांकडून चांगला प्रतिसाद मिळत आहे. अशामध्ये सोमवारी म्हणजे 1 मे रोजी हे लसीकरण बंद राहणार असल्याची माहिती मुंबई महानगर पालिकेकडून (BMC) देण्यात आली आहे.
बृहन्मुंबई महानगरपालिकाने दिलेल्या माहितीनुसार, 'मुंबईतील सर्व महानगरपालिका केंद्रांवर सोमवारी, 1 मे 2023 रोजी कोविड लसीकरण बंद राहणार आहे. महाराष्ट्र दिनानिमित्त सार्वजनिक सुट्टी असल्याने कोविड सोमवारी मुंबईत कोविड लसीकरण बंद राहणार आहे. मंगळवार, 2 मे 2023 पासून कोविड लसीकरण पूर्ववत सुरू राहील.' मुंबईकर नागरिकांनी कृपया बृहन्मुंबई महानगरपालिका प्रशासनाला सहकार्य करावे, असे आवाहन देखील पालिकेकडून करण्यात आले आहे.
28 एप्रिल 2023 पासून इन्कोव्हॅक (iNCOVACC) ही लस 60 वर्ष वयावरील नागरिकांना प्रतिबंधात्मक मात्रा म्हणून दिली जात आहे. कोविशिल्ड अथवा कोवॅक्सिनची दुसरी मात्रा घेतल्यानंतर सहा महिन्यांनी इन्कोव्हॅक (iNCOVACC) लसीची प्रतिबंधात्मक मात्रा घेता येईल. कोविशिल्ड अथवा कोवॅक्सिन व्यतिरिक्त दिलेल्या इतर कोणत्याही लसीसाठी प्रतिबंधात्मक मात्रा म्हणून इन्कोव्हॅक (iNCOVACC) लस देता येणार नसल्याचे देखील स्‍पष्‍ट करण्यात आले आहे.
दरम्यान, मुंबईत महानगर पालिकेच्या 24 केंद्रामध्ये ही लस दिली जात आहे. पण मुंबईत इन्कोव्हॅक लसीकडे मुंबईकरांनी पाठ फिरवल्याचे चित्र पाहायला मिळाले. लसीकरणाच्या पहिल्या दिवशी फक्त 23 जण पहिल्या दिवसाचे लाभार्थी होते. 16 लसीकरण केंद्रावर एकाही नागरिकाने लस घेतली नसल्याचे पाहायला मिळाले. तर काही लसीकरण केंद्रावर लस साठा उपलब्ध नसल्याने नागरिकांना घरी परत जावे लागले.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.