पुण्यातील कुख्यात गुंड गजा मारणेच्या मुलावर बलात्काराचा गुन्हा दाखल

पुणे - कुख्यात गुंड गजानन मारणेचा (Gajanan Marne) मुलगा प्रथमेश मारणे याच्यावर पुण्यात (Pune) बलात्काराचा गुन्हा दाखल करण्यात आला आहे. प्रथमेशवर सिंहगड रोड पोलीस स्थानकात गुन्हा दाखल करण्यात आला आहे. प्रथमेश मारणे आणि पीडित तरुणी गेल्या अडीच वर्षांपासून एकमेकांना ओळखत होते. यादरम्यान आरोपीने तरुणीला २७ ऑगस्ट २०२० ते १७ मार्च २०२२ दरम्यान वेगवेगळ्या लॉजवर नेऊन लैंगिक अत्याचार केले.

हे देखील पहा -

त्यावेळी आरोपीने काही व्हिडिओ तयार केले होते. तसेच पीडित तरुणीचे अश्लील व्हिडिओ काढून तिला धमकी दिल्याचेही या तक्रारीत सांगण्यात आले आहे. पीडित तरुणीने या कृत्याबाबत पोलिसांत फिर्याद देण्याचे सांगितल्यावर त्याने तिला धमक्या दिल्या. पीडित तरुणीने सर्व घटनाक्रम सांगितल्यानंतर आरोपी प्रथमेश गजानन मारणे विरोधात बलात्काराचा गुन्हा दाखल करण्यात आला आहे. या प्रकरणी सिंहगड पोलीस पुढील तपास करत आहेत.

Edited By - Shivani Tichkule