राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस काल दुपारी अचानक दिल्ली दौऱ्यावर गेले. राज्यातील मराठा आरक्षण, मंत्रिमंडळ विस्तार, अपात्रता सुनवणी अशा विविध मुद्द्यांच्या पार्श्वभूमीवर शिंदे, फडणवीस दिल्लीत गेल्याची कालपासूनच चर्चा होती. (Latest Marathi News)
मात्र, मुख्यमंत्री एकनाथ शिंदे आणि देवेंद्र फडणवीस यांच्या दिल्ली दौऱ्याबाबत कमालीची गुप्तता पाळण्यात आली आहे. या दिल्ली दौऱ्यात शिंदे-फडणवीसांनी केंद्रीय गृहमंत्री अमित शाह यांची भेट घेतल्याची चर्चा आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
राज्यातील मंत्रिमंडळ विस्तारावर या भेटीत चर्चा झाल्याची माहिती सूत्रांकडून मिळत आहे. मात्र मराठा आरक्षणाच्या पेचामुळे मंत्रिमंडळ विस्तार रखडला असल्याची माहिती समोर येत आहे. मराठा आरक्षणामुळे राज्यातील वातावरण तापलं असल्याने मंत्रिमंडळ विस्ताराला दिल्लीतून रेड सिग्नल मिळाल्याची माहिती सूत्रांकडून मिळत आहे.
आगामी मंत्रिमंडळ विस्तारात अजित पवार गटालाही महत्वाची मंत्रिपदे मिळण्याची शक्यता आहे. भाजपकडे असणाऱ्या गृहनिर्माण खात्यावर अजित पवार गटाचा डोळा असल्याची माहिती सूत्रांकडून मिळत आहे. गृहनिर्माण खात्यासाठी अजित पवार गट आग्रही आहे. त्यामुळे आगामी विस्तारात गृहनिर्माण खातं अजित पवार गटाकडे जाण्याची शक्यता आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.