Maharashtra Political News : 'इंडिया'ला टक्कर देणार भाजपचं 'शंखनाद २०२४' अभियान, सोशल मीडिया पदाधिकाऱ्यांची आज कार्यशाळा

सूरज मसूरकर

Mumbai News :

विरोधी पक्षांची आघाडी इंडियाची तिसरी बैठक मुंबईत पार पडत आहे. येत्या ३१ ऑगस्ट आणि १ सप्टेंबर रोजी ही बैठक होणार आहे. मागील बंगळुरु येथील बैठकीत २६ पक्षांनी सहभाग घेतला आहे. त्यामुळे यंदा किती पक्ष या बैठकीत सहभागी होतात याकडे सर्वांचं लक्ष आहे.

एकीकडे इंडिया आघाडीची ताकद वाढत असताना राज्यात विरोधकांना टक्कर देण्यासाठी भाजपने देखील कंबर कसली आहे. आगामी निवडणुका जिंकण्यासाठी भाजपने 'शंखनाद २०२४' अभियान सुरु करण्याचा निर्णय घेतला आहे.

आगामी निवडणुकीत भाजप सोशल मीडियाचा प्रभावी वापर करणार आहे. सोशल मीडियावर महाविकास आघाडी आणि इंडिया आघाडीला याद्वारे टक्कर दिली जाणार आहे. 'शंखनाद २०२४' अभियानांतर्गत सोशल मीडिया पदाधिकाऱ्यांची आज कार्यशाळा होणार आहे.

दादरच्या वसंत स्मृती येथे प्रदेश पदाधिकाऱ्यांची दिवसभर कार्यशाळा पार पडणार आहे. या कार्यशाळेत उपमुख्यमंत्री देवेंद्र फडणवीस आणि भाजप प्रदेशाध्यक्ष चंद्रशेखर बावनकुळे पदाधिकाऱ्यांना मार्गदर्शन करणार आहेत. या कार्यशाळेस दिल्ली येथील भाजपचे केंद्रीय सोशल मीडिया पदाधिकारी उपस्थित राहणार आहेत.