भाजप आमदार जयकुमार गोरे म्हणाले...मी अजितदादांचा फॅन!

पुणे : राजकारणात भलेही आमचे पक्ष वेगळे..विचारसरणी वेगळी..पण अजितदादांच्या कामाची पद्धतच न्यारी असं म्हणत माण खटावचे भाजपा आमदार जयकुमार गोरेंनी उपमुख्यमंत्री अजित पवारांचं (Ajit Pawar) बारामतीतील कार्यक्रमात तोंड भरून कौतुक केले आहे. राजकारणाच्या पलीकडे जाऊन मी दादांचा फॅन आहे असे देखील आमदार जयकुमार गोरे (Jaykumar Gore) म्हणाले.

निमित्त होतं बारामतीतल्या चैतन्य टेस्ट ट्यूब बेबी सेंटरच्या इमारतीच्या उद्घाटनाचं. कोरोनाचा (Corona) संसर्ग वाढण्याच्या भीतीने अजित पवारांनी कार्यक्रमाच्या नियोजित वेळे आधीच एक तास येवून हॉस्पिटलचे उद्घाटन केले. त्यानंतर नियोजित वेळेत राज्यमंत्री दत्ता भरणे (Datta Bharane) आणि माण खटावचे आमदार जयकुमार गोरे कार्यक्रमाला हजेरी लावली आणि या दोघांमध्ये चांगलीच जुगलबंदी रंगली.

जयकुमार गोरे म्हणाले, दादा हे दादाच आहेत. भले आमचे पक्ष वेगळे..विचारसरणी वेगळी पण राजकारणाच्या पलीकडे जाऊन मी दादांचा फॅन आहे. आमचं राजकारणात तर अजिबात पटत नाही मात्र, दादांची काम करण्याची पद्धत खूप आवडते. राज्यमंत्री दत्तात्रय भरणे यांनी जयकुमार गोरेना पक्षात येण्याची ऑफर दिली. बारामतीच्या नेत्यांनी जर एखाद्याला हात दिला तर दगडात देखील पाणी काढू शकतात. आमच्या दादांचे तुम्ही तुम्ही तोंड भरून कौतुक केलं आहे. भाऊ तुम्ही हाडाचा कार्यकर्ता आहात. चुकतो तोच माणूस असतो. आमच्या नेत्याचा उल्लेख चांगला केला आहे. तुमच्या डोक्यात चांगला विचार येउद्या. आणि भविष्यात चांगला विचार भविष्यात करा अस म्हणत भरणेंनी जयकुमार गोरेना पक्षात येण्याची ऑफार दिली आहे.

Edited By: Pravin Dhamale