मुंबई : "माननीय संजय राऊत, कमरेचं सोडून डोक्याला बांधून अग्रलेख लिहण्याची विकृतीला बांध घाला अन्यथा 'तुमच्या हम करे सो' कायद्याच्या फुग्याला देशाच्या कानाकोपऱ्यातून भोकं पडतील" असा इशारा पडळकरांनी संजय राऊत यांनी दिला आहे. BJP MLA Gopichand Padalkar criticizes Sanjay Raut
हे देखील पहा-
हिंदु समाजाला सडलेला म्हणणारा शर्जील उस्मान उघड माथ्यानं महाराष्ट्रात येऊन फिरतो, त्याच्यावरती कारवाई होत नाही कारण अशी कृती करायला सत्तेच्या लालसेपोटी तुमचे हात थरथर कापतात. राणे साहेबांवरील सुडाची कारवाई म्हणजे कायद्याची कारवाई असे संबोधता मग पोलिसांना त्यांच्या आई बहिणीवरून अत्यंत घाणरेड्या शब्दात शिव्या घालणाऱ्या वरूण देसाईला अटक का होत नाही? हेच का तुमचं महाराष्ट्र मॉडेल…? असा सवालही सेनेला आणि मविआ सरकारला विचारला आहे.
तसेच आपल्या हुजरेगिरीमुळे बावचळलेले संजय राऊत आता भोक पडलेल्या फुग्याला एवढे का घाबरत आहेत हे असं नाही ना की राणे साहेबांचा फुगा तुमच्याविषयीच्या गुपीतांनी भरलेला आहे आणि तो फुटला तर तुमच्या तिन्ही धन्यांचा तुमच्यावरचा विश्वास उडून जाईल असं म्हणत पडळकरांनी राऊतांना लिहलेल्या सामना मधील अग्रलेखावरतीसुध्दा अनेक टीका केल्या आहेत.
सामनाचे दैनिक ‘बाबरनामा’त रूपांतर
"ज्या बाळासाहेबांनी आयुष्यभर काँग्रेसी विचारांचा विरोध केला आणि शरद पवारांचे नेहमी मार्मिकमधून शब्दाने पितळ उघड पाडले मात्र आज तुम्ही त्यांचाच उधोउधो करत आहात हे म्हणजे बाळासाहेबांच्या हिंदुत्वाच्या पाठीत खंजीर खुपसण्याचा प्रकार नाही का? तसेच मला बाळासाहेबांच्या सामनाचे दैनिक ‘बाबरनामा’त रूपांतर करणाऱ्याला हेच विचारयेचे की त्यावेळेस यांची आस्मिता कुणाच्या पायापुढे लोटांगण घालते."
अशा अत्यंत टोकाचे सवाल आणि टीका पडळकरांनी केल्या आहेत आता यावरती सेना काय भूमिका घेतेय याकडेच सगळ्यांच्या नजरा लागल्या आहेत.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.