मुंबई : शिवसेनेचे (Shivsena) मुखपत्र सामनातून भाजपवर झालेल्या टिकेला भाजप प्रदेशाध्यक्ष चंद्रशेखर बावनकुळे यांनी उत्तर दिलं आहे. सत्ता गेल्याने उद्धव ठाकरे (Uddhav Thackeray) यांनी संयम सोडला आहे, अशी टीका बावनकुळे यांनी केली आहे. पुढील निवडणुकीत कमळाबाईंची अशी जिरणार आहे की, भाजप महाराष्ट्राच्या इतिहासातून नष्ट झालेला दिसेल, अशी टीका सामनातून करण्यात आली आहे.
यावर बोलताना चंद्रशेखर बावनकुळे यांनी म्हटलं की, भाजप 100 टक्के जिंकेल. शिवसेना-भाजप युतीच्या माध्यमातून अंधेरी पोटनिवडणुकीत आमचा ऐतिहासिक विजय होईल. उद्धव ठाकरे यांनी कधी विचारही केला नसेल एवढा विजय आमचा होईल. दोन अडीच वर्षाचा राग या विधानसभेत निवडणुकीत निघेल. (Latest Marathi News)
मुंबई महापालिका निवडणुकीत उद्धव ठाकरे यांना उमेदवार सुद्धा मिळणार नाही, अशी परिस्थिती त्यांची होईल असा दावाही चंद्रशेखर बानकुळे यांनी केला आहे. उद्धव ठाकरे यांच्या मनात हृदयात जे आहे तेथे सामनातून लिहितात. सत्ता गेल्यामुळे त्यांनी संयम सोडला आहे, सामनामधून ते आपला संयम दाखवतात.
शिवाजी पार्क येथे होणाऱ्या उद्धव ठाकरे गटाच्या दसरा मेळाव्याबाबत बोलताना बावनकुळे यांनी म्हटलं की, उद्धव ठाकरे यांचा दसरा मेळावा म्हणजे टोमणे सभा होणार आहे. ते फक्त टोमणे मारतील, त्यांच्याकडून तेच अपेक्षित आहे. याशिवाय त्यांना दुसरं आता काम नाही. तर मुख्यमंत्री एकनाथ शिंदे हे विकासाच्या मुद्द्यावर बोलतील.
काँग्रेस आणि राष्ट्रवादीचं समर्थन घेऊन त्यांची गर्दी आणून उद्धव ठाकरे यांचा मेळावा होत आहे. शिंदे यांच्याकडे 40 आमदार, 12 खासदार आहेत. मोठी जनशक्ती त्यांच्याकडे आहे. एवढा मोठा गट जर शिंदे यांच्याकडे असेल तर त्यांचा मेळावाही मोठा होईल, असं चंद्रशेखर बावनकुळे यांनी म्हटलं.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.