नवी मुंबईमध्ये गोळीबाराची घटना घडली. सानपाडा येथील डीमार्टसमोर गोळीबाराची ही घटना घडली. ५ राउंड फायर करुन आरोपी फरार झाले. या घटनेमध्ये एक जण जखमी झाला आहे. या घटनेचा सीसीटीव्ही व्हिडीओ समोर आला आहे. या सीसीटीव्हीमध्ये गोळीबाराचा थरार पाहायला मिळत आहे. या गोळीबारामुळे घटनास्थळी भीतीचे वातावरण होते.
सानपाडा- जुईनगर येथील डी मार्टसमोर गोळीबार झाल्याची धक्कादायक दुपारच्या सुमारास घडली. दुचाकीवर आलेल्या २ जणांनी एका व्यक्तीवर गोळीबार केला. तब्बल ५ राऊंड फायर करुन आरोपी फरार झाले असून यामध्ये एक व्यक्ती जखमी झाला. जखमीला मनपा रुग्णालयात उपचारासाठी दाखल करण्यात आले आहे.
गोळीबाराची माहिती मिळताच नवी मुंबई पोलीस घटनास्थळी दाखल झाले. फॉरेन्सिक टीम देखील तपास करत आहेत. पोलिसांकडून सीसीटीव्हीच्या आधारे आरोपींचा शोध घेण्याचे प्रयत्न सुरु असून सखोल तपास करण्यात येत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.