Bhimashankar Mandir: भिमाशंकरला जाण्याचा प्लान करताय? तर थोडं थांबा, आजपासून मंदिर ३ महिन्यांसाठी बंद; कारण काय?

बारा ज्योतिर्लिंगांपैकी एक असलेले श्री क्षेत्र भीमाशंकर मंदिराला भेट देण्याचा प्लान करत असाल तर ही बातमी खास तुमच्यासाठी. आजपासून भीमाशंकर मंदिर भाविकांच्या दर्शनासाठी पुढील तीन महिने बंद राहणार आहे. मार्च महिन्यापर्यंत हे मंदिर बंद राहणार आहे. त्यामुळे तुम्ही जर आता भीमाशंकरला गेलात तर तुम्हाला दर्शन घेता येणार नाही. याबाबत मंदिर प्रशासनाने भाविकांना आवाहन केले आहे.

त्र्यंबकेश्वर मंदिर ३ महिन्यांसाठी बंद (Trimbkeshwar Mandir Closed for 3 Months)

पुढील वर्षी त्र्यंबकेश्वर येथे होत असलेल्या कुंभमेळा होणार आहे. यामुळे या ठिकाणी अनेक भाविक येणार आहेत. याच पार्श्वभूमीवर भिमाशंकर येथे विकास आराखड्यातूनन विविध विकास कामे पार पडत आहे. त्यामुळे भाविकांच्या गर्दीचा परिणाम विकास कामांवर होऊ नये, यासाठी पुणे जिल्हाधिकारी यांनी मंदिर बंद ठेवण्याचे आदेश दिले आहेत.

भिमाशंकर मंदिर भाविकांच्या दर्शनासाठी बंद राहणार असून भिमाशंकरकडे जाणारे मार्ग पर्यटक आणि भाविकांसाठी बंद राहणार आहे. दरम्यान भिमाशंकर मंदिर दर्शानासाठी बंद ठेवण्यात येणार असलं तरी मुख्य शिवलिंगाची विधिवत पुजा कायम सुरु रहाणार आहे. त्यामुळे जर तुम्ही तिथे गेलात तर तुम्हाला दर्शन न घेताच परत यावे लागेल.

२०२७ मध्ये त्र्यंबकेश्वर येथे कुंभमेळा

२०२७ मध्ये कुंभमेळा होणार आहे. नाशिकच्या त्र्यंबकेश्वर येथे कुंभमेळा होणार असून येथे लाखो भाविक येण्याची शक्यता आहे. त्यामुळे महाराष्ट्रातील अनेक मंदिर परिसरात अनेक विकास कामे केली जात आहे. या कामात भाविकांच्या गर्दीमुळे व्यत्यय येऊ नये आणि भाविकांना त्रास होऊ नये, म्हणून हा निर्णय घेण्यात आला आहे.