- सचिन जाधव
Pune Traffic Updates : ईदच्या पार्श्वभूमीवर गोळीबार मैदान चौक येथील ईदगाह येथे नमाज पठणाचा (golibar maidan chowk namaz padhna) कार्यक्रम उद्या (गुरुवार) सकाळी सहा वाजता होणार आहे. त्या ठिकाणी नमाज पठण पूर्ण होईपर्यंत मम्मादेवी चौक ते गोळीबार मैदान चौक, सेव्हन लव्हज चौक परिसरातील वाहतूक बंद केली जाणार आहे अशी माहिती पाेलिस दलाने दिली. (Maharashtra News)
असा असेल वाहतूक बदल
सोलापूर रस्त्याने मम्मादेवी चौक येथून गोळीबार चौकाकडे जाणारी वाहतूक वळविण्यात येणार आहे. पर्यायी मार्ग- मम्मादेवी चौक बिशप स्कूल मार्गे किंवा कमांड हॉस्पिटलमार्गे वाहन चालकांनी जावे.
गोळीबार मैदान चौकातून स्वारगेटकडे जाणारा मार्ग हा नमाज पठणाच्या वेळी वाहतुकीसाठी बंद राहील. पर्यायी मार्ग- गोळीबार चौकातून डाव्या बाजूस वळून सीडीओ चौक पुढे उजवीकडे वळून गिरीधर भवन चौक, सेव्हन लव्हज चौकातून जावे.
सेव्हन लव्हज चौकाकडून गोळीबार मैदानाकडे येणारी वाहतूक वळविण्यात येणार आहे. पर्यायी मार्ग- सॅलिसबरी पार्क सीडीओ चौक भैरोबानाला येथून जातील.
भैरोबानालाकडून गोळीबार मैदानाकडे जाणारी वाहतूक भैरोबानाला येथून वळविण्यात येणार आहे. ही वाहने एम्प्रेस गार्डन व लुल्लानगरकडे जातील. पर्यायी मार्ग- प्रिन्स ऑफ वेल्स रस्त्याने डने किंवा भैरोबानाला वानवडी बाजार चौक येथून इच्छित स्थळी जातील.
कोंढवा परिसरातून गोळीबार मैदानाकडे येणार्‍या सर्व जड मालवाहतूक वाहने, जड प्रवासी बस, प्रवासी एसटी बसेस, पीएमटी बसेस यांना प्रवेश बंद करण्यात येईल.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.