Mumbai Crime News: ATM कॅश व्हॅन लुटून आरोपींचा पोबारा; 10 वर्षांपासून दोघांना पोलिसांकडून बेड्या

संजय गडदे

Mumbai Crime News: एटीएम कॅश व्हॅन लुटणाऱ्या व 10 वर्षांपासून फरार असलेल्या दोन आरोपींना मुंबईतील कांदिवली पोलिसांनी अटक केली आहे. दोघे 2012 मध्ये एटीएम कॅश व्हॅनमधून सुमारे 80 लाख रुपये लुटून फरार झाले होते.

लीडअभावी हा खटला 10 वर्षांपूर्वी बंद करण्यात आला होता. मात्र कांदिवली पोलिसांच्या सतर्कतेमुळे दरोडेखोरांची माहिती मिळाल्याने ते पोलिसांच्या हाती लागले. (Crime News)

कांदिवली पोलिसांनी तांत्रिक विश्लेषण आणि सूत्रांच्या मदतीने दोन्ही आरोपींचा तपास सुरू केला. आरोपी अरुण सहदेव वाघमारे (38) याला सांगली विश्रामबाग येथून तर सतीश संभाजी आगडे (38) याला लातूर साई गावातून अटक करण्यात आली. हे दोन्ही आरोपी दहिसर पश्चिम कांदरपाडा येथे राहत होते. (Latest Marathi News)

हे दोन्ही आरोपी रायटर एटीएम कॅश डिपॉझिट व्हॅनमध्ये चालक म्हणून काम करायचे. या दोन्ही आरोपींनी 2012 सालची सीएएस व्हॅन लुटली आणि त्यात ठेवलेले पैसे घेऊन कांदिवली पश्चिम एमजी रोड येथे व्हॅन सोडून पळ काढला. आरोपींनी लुटलेली रक्कम कोठे वापरली याचा तपास सध्या कांदिवली पोलीस करत आहेत.