'आजतरी पहिल्या रांगा महिलांसाठी सोडायच्या'; अजितदादांचा अधिकाऱ्यांना टोला

मंबई : अजित पवारांनी (Ajit Pawar) आपल्या नेहमीच्या शैलीत IAS अधिकाऱ्यांना टोला लगावला. वाय.बी चव्हाण सभागृहात महिला दिनानिमीत्त (Women's Day) आयोजित कार्यक्रमात पुढच्या रांगेत बसलेल्या पुरुष आयएएस अधिकाऱ्यांना अजित पवारांनी कानपिचक्या दिल्या. 'आजतरी पहिल्या रांगा महिलांसाठी सोडायच्या, पण मी पणा सोडवत नाही असा मिश्कील टोला त्यांनी अधिकाऱ्यांना लगावला.

ते म्हणाले, कामाच्या ठिकाणी महिला अनेक गोंष्टींवर बोलत नाहीत. घराची इज्जत जाईल, याची त्यांना भीती असते. पण महिलांनी पुरुषांना कायद्याचा धाक दाखवलाच पाहिजे नाही तर जे सुरू आहे ते तसच सुरू राहील.

दरम्यान, गेल्या काही वर्षात हजारोंच्या संख्येने बाल विवाह झाले आहेत. आमदार/खासदार यांची संख्या वाढवण्यासाठी जागा वाढवण्याची गरज आहे. मंत्री यशोमती ठाकूर (Yashomati Thakur) यांनी खूप अपेक्षा केली आहे. खूप वाढ होणार नाही पण तुम्ही समाधानी व्हावं, एवढी वाढ नक्की होईल असही पवार म्हणाले.

Edited By - Jagdish Patil