Mumbai Iron Bridge Stealing : आँंsss...काय सांगता! मुंबईत चक्क ९० फूट लांब, ६००० किलो वजनाचा लोखंडी पूल गेला चोरीला

Mumbai Malad Crime News: आँंsss...काय सांगता! मुंबईत चक्क ९० फूट लांब, ६००० किलो वजनाचा लोखंडी पूल गेला चोरीला
Mumbai Iron Bridge Stealing
Mumbai Iron Bridge Stealing Saam Tv

Mumbai Malad Crime News: आतापर्यंत तुम्ही कार, स्कूटर, घरातील दागिने, इतकंच काय तर विहीर चोरी झाली, असंही ऐकलं असेल. मात्र तुम्ही कधी भलामोठा लोखंडी पूल चोरी झाल्याचं ऐकलं आहे का? नाही ना, मात्र मुंबईत अशी एक घटना घडली आहे. येथे पश्चिम उपनगरातील नाल्यावरील ६००० किलोचा लोखंडी पूल चोरल्याप्रकरणी चार जणांना अटक करण्यात आली आहे.

याबाबत बांगूर नगर पोलिस स्टेशनच्या एका पोलिस अधिकाऱ्याने माहिती देताना सांगितलं की, मालाड (पश्चिम) येथे ९० फूट लांबीच्या लोखंडी पुलाचे स्ट्रक्चर अदानी इलेक्ट्रिसिटीच्या युटिलिटी कंपनीने इलेक्ट्रिक पॉवर केबल्स एक ठिकाणाहून दुसऱ्या ठिकाणी हलवण्याची ठेवले होते.

Mumbai Iron Bridge Stealing
Modi Govt Cabinet Expansion: मोठी बातमी! केंद्रीय मंत्रिमंडळाचा होणार विस्तार, शिंदे आणि अजित पवार गटाला मिळणार मंत्रिपदे?

त्यांनी सांगितलं की, येथील नाल्यावर कायमस्वरूपी पूल बांधल्यानंतर येथे तात्पुरती स्वरूपात ठेवण्यात आलेला लोखंडी पूल अन्य ठिकाणी हलविण्यात आला होता. २६ जून रोजी हा पूल बेपत्ता असल्याचे आढळून आल्याने वीज कंपनीने पोलिसांत तक्रार दाखल केली. (Latest Marathi News)

ज्या कंपनीला पूल बांधण्याचे कंत्राट दिले, तेथील कर्मचाऱ्यांवरच चोरीचा आरोप

तपासादरम्यान पोलिसांना असे आढळून आले की, पुलला शेवटचे ६ जून रोजी पाहिले गेले होते. घटनास्थळी कोणतेही सीसीटीव्ही कॅमेरे नसल्यामुळे पोलिसांनी आजूबाजूच्या भागात बसवलेल्या सीसीटीव्ही कॅमेऱ्यांचे फुटेज स्कॅन केले. यात ११ जून रोजी एक मोठे वाहन पुलाच्या दिशेने जाताना आढळले, असे पोलिस अधिकाऱ्याने सांगितले.

Mumbai Iron Bridge Stealing
Samruddhi Mahamarg Accident : 'समृद्धी'चं भयावह वास्तव; ७ महिन्यांत १००० अपघात, १०६ मृत्यू; तज्ज्ञांनी सांगितली कारणं

यानंतर पोलिसांनी वाहनाचा नोंदणी क्रमांकावरून शोध घेतला. पोलिसांनी सांगितलं की, "वाहनात गॅस कटिंग मशीन होती, ज्याचा उपयोग पूल पाडण्यासाठी आणि ६,००० किलो वजनाचे लोखंड चोरण्यासाठी करण्यात आले होते.''

अधिक तपास केल्यानंतर पोलिसांनी पुलाच्या बांधकामाचे कंत्राट दिलेल्या कंपनीच्या एका कर्मचाऱ्याचा शोध घेतला. पोलिस अधिकाऱ्याने सांगितले की, पोलिसांनी गेल्या आठवड्यात कर्मचारी आणि त्याच्या तीन साथीदारांना अटक केली होती. घटनास्थळावरून चोरीचे साहित्य जप्त करण्यात आले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com