अजित पवारांच्या उपस्थितीत अभिनेत्री आसावरी जोशींचा राष्ट्रवादीत प्रवेश

मुंबई: राष्ट्रवादी काँग्रेसमध्ये (NCP) इन्कमिंग सध्या सुरु आहे. आज अभिनेत्री आसावरी जोशी (Asavari Joshi) यांनी उपमुख्यमंत्री अजित पवार यांच्या उपस्थितीत राष्ट्रवादी काँग्रेसमध्ये प्रवेश केला आहे. पक्ष प्रवेशाचा आज मुंबई येथे कार्यक्रम पार पडला.

अभिनेत्री आसावरी जोशी यांनी अनेक हिंदी आणि मराठी मालिकांमधून घरोघरी पोहचल्या आहेत. आसावरी जोशी यांनी अनेक हिंदी, मराठी चित्रपटही केले आहेत.

या कार्यक्रमात अजित पवार (Ajit Pawar) यांनी मनोगत व्यक्त केले. ''कोरोना होता त्यामुळे हा कार्यक्रम घेता आला नाही. शरद पवार यांनी अनेकवेळा कलाकारांना मदत केली आहे. कलाकारांचे अनेक प्रश्न असतात. ते आम्ही सोडवले आहेत. दिलीप कुमार आणि पवार साहेबांचे मित्रत्वाचे सबंध होते, आम्ही पण असेच काम करतो. विकास करत असताना प्रत्येक क्षेत्राचे प्रश्न असतात ते सोडवावे लागतात, अस अजित पवार म्हणाले.

राष्ट्रवादी काँग्रेसमध्ये (NCP) अनेक कलाकारांनी प्रवेश केला आहेत यात काही दिवसांपूर्वी सविता माल्पेकर, प्रिया बेर्डे, प्रयदर्शन जाधव, विजय पाटकर, सिध्देश्वर झाडबुके, सुरेखा पुणेकर यांच्यासह अनेकांनी प्रवेश केला आहे.