३ हजार घेताना अतिक्रमण विभागातील कर्मचारी सापडला; ६ महिन्यांपुर्वीच सुटला हाेता निर्दाेष

- सिद्धेश म्हात्रे

नवी मुंबई : नवी मुंबई (navi mumbai) महापालिकेच्या दिघा एच विभाग कार्यालयातील अतिक्रमण विभागात वरिष्ठ लिपिक पदावर काम करणाऱ्या राजेश राऊत (rajesh raut) याला लाच (bribe) स्वीकारताना रंगेहाथ पकडले आहे. (navi mumbai latest marathi news)

राऊत याच्याबाबत हातगाडीवर चायनिझ विकण्याचा व्यवसाय करणाऱ्याने लाचलुचपत विभागाकडे तक्रार दाखल केली होती. राऊत याने पाच हजार रुपयांची लाच मागितल्याची तक्रार हाेती. यातील तीन हजार रुपये स्वीकारताना लाचलुचपत विभागाने दिघा कार्यालयाच्या बाहेर त्यास रंगेहाथ पकडले.

दरम्यान सहा महिन्यांपुर्वी लाचलुचपत विभागामार्फत झालेल्या करवाईत राऊत याची न्यालायातून (court) निर्दोष सुटका झाली होती. आता पुन्हा सहा महिन्यातच दुसऱ्यांदा लाचलुचपत विभागाच्या जाळ्यात राऊत अडकला.

Edited By : Siddharth Latkar