सागर आव्हाड , साम प्रतिनिधी
पुणे: राष्ट्रवादी काँग्रेसचे लोकसभेचे उमेदवार शिवाजीराव आढळराव पाटील हे चेअरमन असलेल्या पुणे म्हाडा कार्यालयात एसीबीने धाड टाकलीय. शिवाजीराव पाटील हे चेअरमन झाल्यानंतर दोन महिन्यातच एसीबीने ही कारवाई केलीय. दोन लाख रुपायांची लाच घेताना म्हाडा कार्यालयातील प्रोजेक्ट मँनेजरला अटक करण्यात आलीय.
मँनेजरने तक्राराकडे २ लाख ७० हजार रुपयांची लाच मागितली होती. लाचेच्या मागणीची पाच दिवस पडताळणी केल्यानंतर पुणे म्हाडाचे प्रोजेक्ट मँनेजरवर गुन्हा दाखल करण्यात आलाय. अभिजीत जिचकार असं लाच घेणाऱ्या म्हाडा प्रोजेक्ट मँनेजरचे नाव आहे. मिळालेल्या माहितीनुसार,म्हाडाचे मुख्याधिकारी यांच्यासाठी २ लाख २० हजार तर प्रोजेक्ट मँनेजर यांनी स्वतःसाठी ५० हजार रुपयांची मागणी केली. त्यानंतर २ लाख ७० हजार रुपयांची लाच स्वीकारताना पंचासमोर अटक करण्यात आलीय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.