पुण्यात गणेश विसर्जनाच्या पूर्वसंध्येला आयुष कोमकरची गोळ्या झाडून हत्या.
पोलिसांनी दोन आरोपींना अटक केली.
या प्रकरणी १३ जणांविरोधात गुन्हा दाखल.
सूड आणि टोळी संघर्ष हा हल्ल्याचा मुख्य हेतू असल्याची प्राथमिक माहिती.
नाना पेठ परिसरात भीती आणि दहशतीचे वातावरण.
पुण्यातील आयुष कोमकर हत्या प्रकरणात मोठी अपडेट समोर आली आहे. आयुषच्या हत्या प्रकरणात पोलिसांनी दोघांना अटक केली. या प्रकरणी १३ जणांविरोधात गुन्हा दाखल करण्यात आला आहे. आयुष कोमकरची गणेश विसर्जनच्या पूर्वसंध्येला पुण्यातील नाना पेठेमध्ये गोळ्या झाडून निर्घृण हत्या करण्यात आली होती. आरोपींनी पूर्वनियोजित कट रचत आयुषवर गोळ्या झाडल्या. ३ गोळ्या लागल्यामुळे आयुषचा जागीच मृत्यू झाला. या घटनेमुळे पुण्यात खळबळ उडाली.
मिळालेल्या माहितीनुसार, आयुष कोमकर हत्या प्रकरणात पोलिसांनी १३ जणांविरोधात गुन्हा दाखल केला. या प्रकरणात पोलिसांनी सूर्यकांत ऊर्फ बंडू आंदेकर याच्यासह १३ जणांवर गुन्हा दाखल केला आहे. तर आतापर्यंत दोन आरोपींना पोलिसांनी अटक केली. यश पाटील आणि अमित पाटोळे या दोघांना पोलिसांनी अटक केली असून न्यायालयाने त्यांना १२ सप्टेंबरपर्यंत पोलिस कोठडी सुनावली आहे. सध्या पोलिसांकडून आरोपींची कसून चौकशी सुरू आहे.
पुण्यातील टोळी युध्दातून आयुष कोमकरची हत्या झाल्याचे पोलिस तपासातून उघड झाले आहे. वनराज आंदेकरच्या हत्येचा बदला घेत आयुषला संपवण्यात आले. नाना पेठेत शुक्रवारी सायंकाळी गोळ्या झाडून आयुषची हत्या करण्यात आली. आयुष हा माजी नगरसेवक वनराज आंदेकरच्या हत्या प्रकरणातील आरोपी गणेश कोमकरचा मुलगा होता. आयुष क्लासवरून घरी येत होता. बिल्डिंग खाली पार्किंगमध्ये तो मित्रांसोबत बोलत उभा होता. त्यावेळी त्याठिकाणी आलेल्या दोघांनी त्याच्यावर गोळ्या झाडल्या. ३ गोळ्या लागल्याने आयुषचा जागीच मृत्यू झाला.
वनराज आंदेकरच्या हत्येचा बदला घेण्यासाठी आरोपींनी पूर्वनियोजित कट रचला होता. अमन पठाण आणि यश पाटीलने आयुषवर गोळीबार केला. त्यावेळी अमित पाटोळे आणि सुजल मेरगू घटनास्थळी हजर होते. गोळीबारानंतर ‘इथे फक्त बंडू आंदेकर आणि कृष्णा आंदेकरच’ असे म्हणत आरोपींनी दहशत माजविली. या घटनेमुळे नाना पेठ परिसरामध्ये खळबळ उडाली आहे. सध्या या ठिकाणी दहशतीचे वातावरण आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.