Bocavirus In Navi Mumbai : सावधान! नवी मुंबईत बोका व्हायसरचा शिरकाव; 'ही' आहेत लक्षणे

Bocavirus Patient Found In Navi Mumbai: बोकाव्हायरसचा पहिला रुग्ण २००५ मध्ये आढळला होता
Bocavirus Patient Found In Navi Mumbai
Bocavirus Patient Found In Navi MumbaiSaam TV

सिद्धेश म्हात्रे, नवी मुंबई

Bocavirus Latest News: नवी मुंबईकरांसाठी एक चिंताजनक बातमी आहे. नवी मुंबईत बोका व्हायरसचा (Bocavirus) शिरकाव झाला आहे. दोन वर्षांच्या बाळाला या व्हायरसची लागण झाली आहे. या बाळावर खारघरमधील (Kharghar)मेडीकव्हर रुग्णालयात उपचार सुरू आहेत. बोका व्हायरस हा दुर्मिळ व्हायरस असून, एक ते तीन वयोगटातील मुलांना त्याची लागण होते. (Navi Mumbai Latest News)

Bocavirus Patient Found In Navi Mumbai
Navi Mumbai Cyber Crime News: मनपा आयुक्तांच्या नावे माजी नगरसेविकेकडे पैशांची मागणी; सतर्कतेमुळे डाव फसला

बोकाव्हायरची लक्षणे

मिळालेल्या माहितीनुसार, दोन वर्षांच्या मुलाला आपत्कालीन स्थितीत रुग्णालयातील बालरोग अतिदक्षता विभागात दाखल करण्यात आले होते. त्याला श्वास घेण्यास गंभीर त्रास होत होता. त्याच्या शरीरातील ऑक्सिजनची पातळी ८८ टक्क्यांवर आली होती. पालकांनी दिलेल्या माहितीनुसार या चिमुकल्याला आठवडाभरापासून सर्दी-खोकला होता.

या बाळाला श्वसनाचा तीव्र त्रास होत होता. त्यामुळे त्वरित हाय-फ्लो ऑक्सिजन, स्टिरॉइड्स, नेब्युलायझेशन आणि लक्षणात्मक उपचार सुरू केले गेले. विविध तपासण्या केल्यानंतर त्याचा बोकाव्हायरस संसर्गाचा अहवाल पॉझिटिव्ह आला. (Tajya Batmya)

Bocavirus Patient Found In Navi Mumbai
मुंबईकरांसाठी महत्वाची बातमी! 'या' दिवशी तब्बल २७ तासांचा मेगा ब्लॉक; प्रवाशांची होणार गैरसोय

बोकाव्हायरस बद्दल

बोकाव्हायरसचा पहिला रुग्ण २००५ मध्ये आढळला होता. बोकाव्हायरसमध्ये टाइप एक, टाइप दोन आणि टाइप चार यांसारखे अनेक प्रकार आहेत. टाइप १ विषाणू प्रामुख्याने श्वसनमार्गाच्या संसर्गाशी संबंधित आहे. वैद्यकीय उपचार केलेल्या मुलाला टाइप एक विषाणूची बाधा झाली होती. टाइप दोन आणि चार यामध्ये अतिसार, ओटीपोटात दुखणे या लक्षणांसह गॅस्ट्रोएन्टरोलॉजी म्हणजे पोटाच्या विकाराशी संबंधित संसर्ग असल्याचे दिसून आले आहे. हा विषाणू प्रामुख्याने तीन वर्षांखालील मुलांना संक्रमित करतो. खोकला, सर्दी आणि श्वसनमार्गाचे संक्रमण ही लक्षणे दिसून येतात.

Bocavirus Patient Found In Navi Mumbai
धक्कादायक! दीड महिन्यांच्या बाळाला पाजला मुदत संपलेला डोस; खाजगी रुग्णालयाविरोधात तक्रार दाखल

लहान मुलांची विशेष काळजी घ्यावी

गेल्या काही महिन्यांपासून नवी मुंबईत बोकाव्हायरस संसर्गाचे अनेक रुग्ण आढळून येत आहेत. हा दुर्मिळ विषाणूजन्य संसर्ग असला, तरीही योग्य वेळी त्याचे निदान न केल्यास प्रकृती गंभीर होऊन मृत्यू ओढवू शकतो, असे तज्ज्ञ सांगतात. याबाबत पनवेल महापालिका आरोग्य विभागाने हा रुग्ण बोका व्हायरस सदृश्य व्हायरसने पीडित असल्याचे स्पष्ट केले असून लहान मुलांची विशेष काळजी घेण्याचे आवाहन केले आहे.

Edited By - Akshay Baisane

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com