Satara: हेच का अच्छे दिन? माेदी-शहांचा निषेध नाेंदवत युवा सेनेचा थाळी नाद

सातारा : पेट्रोल, डिझेल, गॅस,खाद्यतेल, डाळी अशा सर्वच गोष्टींचे दर दररोज वाढत आहेत. सर्वसामान्यांचे जगणे मुश्कील झाले आहे. इंधन दरवाढ करून महागाई वाढवून सर्वसामान्य जनतेच्या कष्टाच्या कमाईवर दरोडा घालणाऱ्या केंद्रातील नरेंद्र मोदी (narendra modi) सरकारला सत्तेवर राहण्याचा अधिकार राहिलेला नाही. वाढत्या महागाई बद्दल केंद्र सरकारचे अभिनंदन करण्यासाठी आज युवा सेना (yuva sena) यांच्या माध्यमातून सातारा (satara) येथे थाळी, ताली बजाव वाजवुन आदोंलन छेडण्यात आले. (yuva sena latest marathi news)

"अच्छे दिन" ,पेद्रोल डिझेल के दाम कम हुवे की नही हुवे ? घरेलू ग्यास के दाम कम हुवे की नही हुवे ? अच्छे दिन आये की नही आये असे म्हणत सातारा जिल्हा युवा सेनेने पंतप्रधान नरेंद्र मोदी व गृहमंत्री अमित शहा या जुमलेबाज सरकारचे आभार मानत आंदाेलन छेडले.

इंधन दरवाढ करून महागाई वाढवून सर्वसामान्य जनतेच्या कष्टाच्या कमाईवर दरोडा घालणाऱ्या व जुमलेबाज केंद्रातील नरेंद्र मोदी व अमित शहा सरकारचा थाळी वाजवून युवा सेनेच्या जिल्हाप्रमुख रणजितसिंह भोसले यांनी आभार मानत अनाेखे आंदाेलन केले. यावेळी उपजिल्हाप्रमुख सचिन मोहिते, शिवसेना शहर प्रमुख बाळासाहेब शिंदे, उपजिल्हा प्रमुख युवा सेना नवनाथ पाटील, विद्यार्थी सेना जिल्हा प्रमुख संभाजी पाटील, माथाडी कामगार सेना जिल्हा प्रमुख प्रशांत शिंदे, तालुका प्रमुख महेश शिर्के, जिल्हा सचिव विद्यार्थी सेना मनोज पवार, फलटणचे माऊली पिसाळ, निवास महाडिक, तुषार घोरपडे आदी कार्यकर्ते उपस्थित हाेते.

Edited By : Siddharth Latkar