bhandara News
bhandara News Saam TV

Bhandara News : लग्नाच्या आदल्या दिवशी डॉक्टर तरुणाने संपवलं जीवन, कुटुंबियांच्या मनात प्रश्नांचं काहूर

डॉ. कुणाल भाऊराव चव्हाण (वय 35 वर्ष) असं मृत डॉक्टरचं नाव आहे.

अभिजीत घोरमारे

Bhandara News : लग्नाच्या आदल्या दिवशी तरुण डॉक्टरने आपल्या राहत्या घरी जीवन संपवल्याची धक्कादायक घटना समोर आली आहे. भंडारा शहरातील स्नेहनगरमध्ये ही घटना घडली आहे. आत्महत्येचे कारण अद्याप अस्पष्ट आहे. डॉ. कुणाल भाऊराव चव्हाण (वय 35 वर्ष) असं मृत डॉक्टरचं नाव आहे. नागपूर मेयो रूग्णालयात कुणाल कर्तव्यावर होते.

जानेवारी महिन्यात डॉ. कुणाल यांचे चंद्रपूर जिल्ह्यातील नागभीड तालुक्यातील दंत वैद्यकीय तरूणीशी लग्न जमले होते. 4 एप्रिल लग्नाची तारीख ठरली होती. त्यामुळे कुटुंबात आनंदाचे वातावरण होते. काल सकाळी झोपून उठल्यानंतर कुणालने चहा घेतला आणि परत आपल्या खोलीत गेला. परंतु बराच वेळ तो बाहेर न आल्यामुळे त्याचे वडिलांनी खोलीत जाऊन बघितले त्यावेळी त्यांना धक्का बसला. (Latest Marathi News)

bhandara News
Thane News : ठाकरे गटाच्या महिला कार्यकर्त्याला शिंदे गटाच्या महिला कार्यकर्त्यांकडून मारहाण, CCTV Footage आलं समोर

कुणालने पंख्याला गळफास घेतला होता. कुटुंबाने तातडीने दोरी कापून कुणालला खाली उतरवले. त्यानंतर घटनेची माहिती भंडारा पोलिसांना देण्यात आली. पोलिसही तत्काळ घटनास्थळी दाखल झाले आणि पंचनामा करून मृतदेह शवविच्छेदनासाठी पाठवण्यात आला.

कुणाल यांचे वडील हे निवृत्त सरकारी आहेत तर आई शिक्षिका आहे. कुणाल अभ्यासात हुशार असल्याने सुरुवातीपासूनच त्यांनी डॉक्टर बनण्याचे स्वप्न बघितले. आई-वडिलांनीही त्यांच्या स्वप्नापूर्तीसाठी पूर्ण प्रयत्न केले.

bhandara News
Pune Accident News : माळशेज घाटात कार-पिकअपमध्ये भीषण अपघात, एअर बॅग उघडल्या तरी तिघांचा मृत्यू

मात्र एका हुशार डॉक्टरने अगदी लग्नाच्या पहिल्या दिवशी एवढं मोठं टोकाचं पाऊल का उचललं? असा प्रश्न अनेकांना पडला आहे. आनंदात असणारं घर क्षणात शोकसागरात बुडालं आहे. दुसरीकडे सुखी संसाराचे स्वप्न रंगवणाऱ्या वधूचे स्वप्न क्षणार्धात विस्कळीत झाले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com