यवतमाळमध्ये एक विचित्र घटना घडली आहे. नांदेडहून नागपूरच्या दिशेने जाणाऱ्या अज्ञात व्यक्तींनी बसला आग लागली आहे. शुक्रवारी रात्री ११.३० च्या सुमारास ही घटना घडली. या आगीत बस जळून पूर्णत: खाक झालीये. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
नेमकं काय घडलं?
रात्री ९ च्या सुमारास बस नांदेडहून निघाली होती. काही अंतरावर गेल्यानंतर दोन दुचाक्यांवरून चार अज्ञात व्यक्ती तेथे आल्या. त्यांनी बससमोरच आपली दुचाकी थांबवली. त्यानंतर ५ ते ६ जण रस्त्यावरून धावत आले. त्यांनी बसच्या काचा फोडल्या. तसेच बसवर पेट्रोल टाकून आग लावली.
बसमध्ये होते ७६ प्रवासी
हदगाव-उमरखेडदरम्यान गोजेगाव जवळील पैनगंगा नदी पुलाजवळ ही घटना घडली आहे. बस चालक बी. डी. नाईकवाडे यांनी पोलिसांत दिलेल्या तक्रारीनुसार, बस थांबवल्यावर मागून आलेल्या ५ ते ६ जणांनी आरडा-ओरडा आणि आरेरावी करत बसमधील सर्व प्रवाशांना खाली उतरण्यास सांगितले.
प्रवाशी खाली उतरल्यावर अज्ञातांनी बसच्या काचा फोडल्या. प्रवाशांना काय सुरू आहे काय नाही काहीच समजत नव्हते. अशा प्रसंगी काय कारावे हे देखील कळेना. पोलिसांना फोन करणार तोच या अज्ञातांनी बसवर पेट्रोल टाकून आग लावली. घटनेची माहिती मिळाल्यावर अग्निशामक दलाची वाहने घटनास्थाळी दाखल झाली. आगीवर नियंत्रण मिळेपर्यंत बस पूर्णत: जळून खाक झाली होती. यामध्ये बसचे सुमारे ३२ लाखांचे नुकसान झालेय.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.