Saam Exit Poll,Bhokar: भोकरमध्ये श्रीजया चव्हाण मैदान मारणार? पाहा Exit Poll

Bhokar Vidhansabha Result: राज्यात बुधवारी (२० नोव्हेंबरला) विधानसभा निवडणुकीसाठी मतदान पार पडलं. राज्यात यावेळी ६५.११ टक्के मतदान झालं आहे. आता सर्वांचं लक्ष निकालावर आहे. नांदेड जिल्ह्यातील भोकर मतदारसंघात काँग्रेसचे तिरुपति कदम कोंदेकर आणि भाजपच्या श्रीजया चव्हाण यांच्यात अटीतटीची लढत पाहायला मिळाली.

सकाळ एक्झिट पोलनुसार, भोकर मतदारसंघात भाजपच्या श्रीजया चव्हाण या संभाव्य आमदार होऊ शकतात. दोघांमध्येही तगडी फाईट झाली. मात्र सकाळने दिलेल्या एक्झिट पोलनुसार, श्रीजया चव्हाण या आमदारपदाच्या खूर्चीवर विराजमान होऊ शकतात.

श्रीजया चव्हाण या पहिल्यांदाच निवडणुकीच्या रिंगणात उतरल्या होत्या. पहिल्याच प्रयत्नात त्या विजयासाठी प्रबळ दावेदार मानल्या जात आहेत. भोकर मतदारसंघात ६२ टक्के मतदान झालं. भोकर मतदारसंघ हा माजी मुख्यमंत्री, खासदार अशोक चव्हाण यांचा पारंपारिक मतदारसंघ आहे. चव्हाण कुटुंबाची तिसरी पिढी श्रीजया चव्हाण यांच्या रुपाने निवडणुकीच्या रिंगणात आहे.