Dharashiv News : परंड्यात नऊ दिवसापासून पाणीबाणी, नागरिकांचा पालिका कर्मचाऱ्यांना घेराव; मुख्याधिकाऱ्यांच्या खुर्चीला घातला हार

- बालाजी सुरवसे

Dharashiv :

परंडा शहरात मागील 9 दिवसांपासून पाणीबाणीची परिस्थिती निर्माण झाली आहे. यामुळे नागरिक आक्रमक झाले आहेत. त्यांनी पालिकेवर आंदाेलन छेडले. आगामी काळात पाणीपुरवठा सुरळीत न झाल्यास तीव्र आंदोलन करण्याचा इशारा शहरवासीयांनी पालिकेस दिला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

परंडा शहरापासून अगदी हाकेच्या अंतरावर सीना कोळेगाव धरण असून देखील नगर परिषदेच्या ढिसाळ कारभारामुळे परंडा शहराला तीव्र पाणी टंचाईच्या झळा सोसाव्या लागत आहेत. नगरपालिकेला वारंवार सांगून पाणीपुरवठा सुरळीत होत नसल्याने परंडा शहरातील नागरिक आक्रमक झाले आहेत. (Maharashtra News)

नागरिकांनी मुख्याधिकारी यांच्या दालना समाेर आंदाेलन केले. मुख्याधिकारी यांना निवेदन देण्यासाठी नागरिक गेले. परंतु मुख्याधिकारी उपलब्ध झाले नाहीत तसेच त्यांनी फोन बंद करून ठेवला त्यामुळे संतापलेल्या नागरिकांनी गांधीगिरी आंदोलन करत मुख्याधिकारी यांच्या खुर्चीला हार घातला. पाणीपुरवठा सुरळीत न झाल्यास तीव्र आंदोलन करण्याचा इशारा शहरवासीयांनी दिला आहे.

Edited By : Siddharth Latkar