Satara Water Scarcity News : सोळशी, नांदवळ, सोनके परिसरात भीषण पाणीटंचाई; नायगावमध्ये महिलांचा हंडा माेर्चा

Satara :

सातारा जिल्ह्यामधील कोरेगाव (koregaon) तालुक्यातील उत्तर भागात सोळशी, नायगाव, नांदवळ, सोनके परिसरात भीषण पाणी टंचाई जाणवू लागली आहे. पाणी मिळावे यासाठी आज (गुरुवार) नायगाव (naygaon) येथील महिलांनी ग्रामस्थांसह गावात हंडा मोर्चा (handa morcha) काढला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सातारा जिल्ह्यातील कोरेगाव तालुक्यातल्या उत्तर भागात सध्या मार्च महिन्यातच भीषण पाणीटंचाई जाणवू लागली आहे. सोळशी, नायगाव, नांदवळ, सोनके परिसरात आठ आठ दिवस पाणी येत नसल्याची तक्रार ग्रामस्थ करु लागले आहे. गावातील विहिरी आटल्याने पाणी टंचाईत भर पडली आहे.

पाणी मिळावे यासाठी नायगाव येथील ग्रामस्थांसह महिलांनी गावातून हंडा माेर्चा काढला. शासनाने याकडे गांभीर्याने लक्ष देऊन लवकरात लवकर टँकरने पाणीपुरवठा करावा अशी मागणी गावातील महिलांनी केली आहे. (Maharashtra News)

Edited By : Siddharth Latkar