मनोज जयस्वाल
वाशिम : मागील काही दिवसांपासून वीज पुरवठा वारंवार खंडित होत आहे. यामुळे त्रस्त नागरिकांनी आज वाशिमच्या मंगरुळपीर तालुक्यातील शेलुबाजार येथे छत्रपती संभाजीनगर- नागपूर महामार्गावर मुख्य चौकात चक्का जाम आंदोलन करण्यात आले. यावेळी छत्रपती संभाजीनगर- नागपूर मंगरुळपीर-अकोला महामार्गावर वाहनांच्या रांगा लागल्या होत्या.
शेलुबाजार परिसरात सतत विद्युत पुरवठा खंडित होत असल्यामुळे नागरिकांना विजेचा मोठा त्रास सहन करावा लागत आहे. याबाबत (Mahavitaran) महावितरण कंपनीला अनेक संघटना व नागरिकांनी निवेदन दिले होते. मात्र महावितरण कंपनी त्याची कुठलीही दखल घेतली नाही. त्यामुळे परिसरातील नागरिकांनी संतप्त होत शेलुबाजार येथील मुख्य चौकात चक्काजाम आंदोलन केले. तसेच महावितरण विरोधात जोरदार घोषणाबाजी केली.
महामार्गावर दोन्ही बाजूंनी लागल्या रांगा
संभाजीनगर- नागपूर महामार्गावर सकाळी चक्काजाम आंदोलन केल्यामुळे मोठ्या प्रमाणात महामार्गाच्या दोन्ही बाजूंनी वाहनांच्या रांगा (Rasta roko) लागल्या होत्या. काही वेळानंतर पोलिसांनी मध्यस्थी करत आंदोलकांची समजूत काढत आंदोलन मागे घेण्यास लावले. यानंतर वाहतूक सुरळीत करण्यात आली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.