Walmik Karad : वाल्मीक कराडला मोठा धक्का! बीड कारागृहातला मुक्काम वाढला, कारण...

योगेश काशिद, साम टीव्ही, प्रतिनिधी

Walmik Karad News : बीड जिल्ह्यातील मस्साजोग गावचे सरपंच संतोष देशमुख हत्या प्रकरणातील मुख्य सूत्रधार वाल्मीक कराडला न्यायालयाने मोठा धक्का दिला आहे. वाल्मीक कराडने कारागृहातून बाहेर पडण्यासाठी जामीन अर्ज केला होता. हा अर्ज बीडच्या विशेष मकोका न्यायालयाने फेटाळला असल्याची माहिती समोर आली आहे.

मिळालेल्या माहितीनुसार, मस्साजोग गावचे सरपंच संतोष देशमुख यांच्या हत्या प्रकरणामधील मुख्य सूत्रधार असलेल्या वाल्मीक करडाचा जामीन अर्ज न्यायालयाने फेटाळला आहे. याआधी न्यायालयाने कराडचा दोष मुक्तीचा अर्ज फेटाळला होता. आता त्याचा जामीन अर्ज देखील बीडच्या न्यायालयाने फेटाळला आहे. यामुळे कराडला सलग धक्के बसल्याचे म्हटले जात आहे.

वाल्मीक कराडहा संतोष देशमुख हत्या प्रकरणात मुख्य सूत्रधार असल्याचे स्पष्ट झाले आहे. या प्रकरणी वाल्मीक कराडवर मकोका लावण्यात आला होता. कारागृहामधून बाहेर पडण्यासाठी त्याने वकिलांकडून जामीन अर्ज केला होता. या अर्जावर दोन्ही वकिलांचा युक्तिवाद झाला होता. पण याबाबतचा निर्णय न्यायालयाकडून राखून ठेवण्यात आला होता.

आज (३० ऑगस्ट) बीडच्या विशेष मकोका न्यायालयाने वाल्मीक कराडच्या जामीन अर्जासंदर्भात निर्णय जाहीर केला. कराडचा जामीन अर्ज बीड विशेष न्यायालयाने फेटाळला. न्यायालयाचा हा निर्णय कराडसाठी मोठा धक्का मानला जात आहे. यामुळे वाल्मीक कराडचा बीड जिल्हा कारागृहातील मुक्काम वाढला आहे.