Ulhasnagar Crime : धक्कादायक.. भाडे देत नसल्याने दुकान मालकाकडून हत्या; उल्हासनगरातील मध्यरात्रीची घटना

उल्हासनगर : दुकानाचे भाडे मागण्यासाठी गेलेल्या दुकान मालकाने सलून चालकाची हत्या केल्याची घटना उल्हासनगर कॅम्प क्रमांक एक येथील ए वन तबेला या परिसरात घडली. मध्यरात्रीच्या सुमारास हि घटना घडली असून या प्रकरणी दुकान मालकाला पोलिसांनी ताब्यात घेतले आहे,

अंबरनाथमधील (Ambarnath) जावसे गावात राहणारे इलीइस जकात शेख हे उल्हासनगरमधील कॅम्प क्रमांक एक येथील ए वन तबेला जवळ एक दुकान भाड्याने घेऊन सलून चालवत होते, दरम्यान गुरुवारी (५ सप्टेंबर) मध्यरात्री दुकानाचे मालक शेरा माखीजा हे दुकानात आले. त्यांनी इलीइस जकात शेख यांच्याकडे दुकानाच्या भाड्याची मागणी केली. यावेळी दुकानाचे भाडे एक दोन दिवसात (Crime News) देतो असे इलीइस ने शेरा यांना सांगितले. इतक्यातच शेरा माखीजा यांनी सलून चालक इलीइस पोटात चाकूने वर केला. यात दुकान चालक गंभीर झाला होता. 

संशयित पोलिसांच्या ताब्यात 

दरम्यान घटनेत इलीइस हा गंभीर जखमी झाला होता. त्यास उपचारासाठी रुग्णालयात दाखल केले असता आज दुपारी त्याचा मृत्यू झाला. या प्रकरणी उल्हासनगर पोलीस ठाण्यात हत्येचा गुन्हा दाखल करण्याची प्रक्रिया सुरु आहे. पोलिसांनी संशयित आरोपी शेरा माखीजा याला ताब्यात घेतले आहे.