Maharashtra Politics : एकनाथ शिंदेंचा उद्धव ठाकरेंविरोधात मोठा डाव; पश्चिम महाराष्ट्रातील बडा नेता फोडला, वाचा सविस्तर

लोकसभा निवडणूकीत ठाकरेंनी चंद्रहार पाटलांसाठी सांगलीचा आखाडा प्रतिष्ठेचा केला होता. इंडिया आघाडीत याच जागेवरुन झालेला वाद हा थेट दिल्ली दरबारीही पोहचला. ज्यांच्यासाठी ठाकरेंनी मित्रपक्षांना अंगावर घेतलं त्याच त्याच चंद्रहार पाटलांनी वर्षभरात ठाकरेंची साथ सोडत शिंदेंना साथ दिलीय...त्यामुळे चंद्रहार पाटलांसाठी वस्ताद बनून विरोधकांना शिंगावर घेणाऱ्या संजय राऊतांनी चंद्रहार पाटलांच्या दारुण पराभवावर भाष्य करत त्यांना खोचक टोला लगावलाय.

खरंतर लोकसभा निवडणुकीपूर्वी चंद्रहार पाटलांनी संजय राऊतांच्या माध्यमातून ठाकरे गटात प्रवेश केला. त्यानंतर ठाकरे गटाने जोर लावला आणि काँग्रेसची नाराजी पत्करुन चंद्रहार पाटलांना उमेदवारी दिली... तर संजय राऊतांनी चंद्रहार पाटलांसाठी सभा घेत वातावरण तापवण्याचा प्रयत्न केला.. मात्र त्याच डबल महाराष्ट्र केसरी चंद्रहार पाटलांनी शिंदे गटाचा धनुष्यबाण हाती घेतलाय...मात्र चंद्रहार पाटलांनी ठाकरे गटाची साथ सोडल्यानं नेमका किती फटका बसणार? पाहूयात...

पश्चिम महाराष्ट्रात ठाकरेंना फटका?

विटा जिल्हा परिषद गटात चंद्रहार पाटलांचं वर्चस्व

लोकसभा निवडणूकीत चंद्रहार पाटलांना 60 हजार मतं

चंद्रहार पाटलांनी पक्ष सोडल्यानं सांगलीतही नवं नेतृत्व उभं करावं लागणार

विधानसभा निवडणुकीतही सातारा, सांगली, कोल्हापूरमध्ये मोठी पिछेहाट

शिवसेनेच्या फुटीनंतर पश्चिम महाराष्ट्रात ठाकरे गटाकडे तुल्यबळ नेतेच शिल्लक राहिले.. त्यातच आता सांगली जिल्ह्यातील नामवंत मल्ल चंद्रहार पाटलांच्या पक्षांतरानंतर ठाकरे गट स्थानिक स्वराज्य संस्थांच्या निवडणूकांच्या तोंडावर नव्याने कार्यकर्त्यांची बांधणी करुन मुसंडी मारणार की चंद्रहार पाटलांना धोबीपछाड देऊन आपलं वर्चस्व पुन्हा प्रस्थापित करणार? याकडे राज्याचं लक्ष लागलंय..