Maharashtra Politics: राजकारणात नवा ट्विस्ट: उद्धव-राज युतीवर सस्पेन्स कायम, शिंदेंची नजर

दुसरीकडे नाशिकमध्ये अनौपचारिक गप्पामध्ये बोलताना विजयी मेळावा हा मराठीसाठी होता त्याचा राजकारणाशी संबंध नाही, अशी भूमिका घेत राज ठाकरेंनी युतीबाबतचा सस्पेन्स कायम ठेवलाय.. तसे संकेतही उद्धव ठाकरेंसमोरच मराठीच्या मेळाव्यात दिले होते...

त्यामुळे उद्धव ठाकरेंसोबतच्या युतीबाबत राज ठाकरेंची भूमिका तळ्यात मळ्यात असल्याची चर्चा रंगली.. आणि नेमकी हीच संधी हेरुन शिंदे गटाने पुन्हा एकदा राज ठाकरेंना साद घातलीय....

विधानसभा निवडणुकीतील दारुण पराभवानंतर ठाकरे ब्रँड जपण्यासाठी राज ठाकरे आणि उद्धव ठाकरेंनी एकमेकांना साद घातलीय... त्यानंतर दोन्ही पक्षाच्या कार्यकर्त्यांचं मनोमिलन झालंय... कार्यकर्त्यांनी एकत्र आंदोलनही केलंय... तर मात्र उद्धव ठाकरे राज ठाकरेंसोबतच्या युतीबाबत आशादायी असले तरी राज ठाकरे मात्र स्पष्ट सिग्नल देत नसल्याचं चित्र आहे... त्यामुळे महापालिका निवडणुकीआधी ठाकरे ब्रँड जपण्यासाठी राज ठाकरे उद्धव ठाकरेंना टाळी देणार की शिंदेंना साथ देणार? यावर मुंबई महापालिकेतील मनसेच्या विजयाचं गणित अवलंबून असणार आहे...