Maharashtra Politics: ठाकरेंच्या हातून मुंबई जाणार? विधानसभेला मुंबईत महायुतीचा डंका

भरत मोहळकर-

विधानसभा निवडणुकीत मुंबईत महायुतीने मोठी मुसंडी मारली. तर आगामी निवडणुकांसाठी महायुती मजबुतीने मैदानात उतरण्याची तयारी करत आहे. मात्र विधानसभेनंतर महायुती महापालिका निवडणुकीतही ठाकरे गटाचा गड उध्वस्त करणार का? यावरचा हा स्पेशल रिपोर्ट.

विधानसभेच्या यशानंतर महायुतीने आपलं लक्ष ठाकरेंचा गड मानल्या जाणाऱ्या मुंबईवर लक्ष केंद्रीत केलंय..आधीच महाराष्ट्रात पक्षसंघटना कमजोर झाली असताना आता मुंबईतून ठाकरेंच्या शिवसेनेवर घाव घालण्यासाठी महायुतीने मोर्चेबांधणी केलीय... मात्र विधानसभा निवडणुकीत मुंबईत कुणी किती जागा लढवल्या आणि कुणाला किती जागा मिळाल्या? पाहूयात...

शिवसेनेतील फुटीनंतर लोकसभा निवडणुकीत ठाकरे गटाला मुंबईत 3 जागांवर यश मिळालं होतं. मात्र त्यानंतर झालेल्या विधानसभा निवडणुकीत जागांमध्ये मोठी घसरण झालीय. त्यामुळे अवघ्या दोन महिन्यांवर आलेल्या स्थानिक स्वराज्य संस्थांच्या निवडणुकीत ठाकरेंपुढे मुंबई महापालिका टिकवणं हे मोठं आव्हान असणार आहे. त्यामुळे ठाकरे अस्तित्वाच्या लढाईत मुंबई राखणार की महाराष्ट्राप्रमाणेच महायुती मुंबईसुद्धा ठाकरेंकडून हिसकवणार? हे पाहणं महत्वाचं ठरणार आहे.