IPS Officer Transfer: लोकसभा निवडणुकीआधी राज्यात मोठे फेरबदल; तब्बल 58 आयपीएस ‌अधिकाऱ्यांच्या‌ बदल्या

Maharashtra IAS Officer Transfer:

राज्यात लोकसभा निवडणुकीआधी प्रशासनात मोठे फेरबदल करण्यात आले आहेत. राज्यात तब्बल 58 आयपीएस ‌अधिकाऱ्यांच्या‌ बदल्या करण्यात आल्या आहेत. यासोबतच आयपीएस अधिकारी अमितेश कुमार यांची पुणे पोलीस आयुक्तपदी नियुक्ती करण्यात आली आहे.

तर आयपीएस अधिकारी रविंद्र सिंघल यांची नागपूरच्या पोलीस आयुक्तवपदी नियक्ती करण्यात आली आहे. महाराष्ट्र शासनाच्या गृह विभागने याबाबत शासन निर्णय जाहीर केला आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

इंडियन एक्सप्रेसने दिलेल्या वृत्तानुसार, मुंबईत अनिल कुंभारे यांची सहआयुक्त (वाहतूक) तर ठाणे शहरात ज्ञानेश्वर चव्हाण यांची सहआयुक्त (कायदा व सुव्यवस्था) म्हणून नियुक्ती करण्यात आली आहे. नवी मुंबईत एन.डी.येनपुरे यांची सहआयुक्त (कायदा व सुव्यवस्था) म्हणून नियुक्ती करण्यात आली. राज्य गुप्तचर विभागाचे (SID) सहआयुक्त असलेले शिरीष जैन यांना पदोन्नती देऊन एसआयडी आयुक्त नियुक्त करण्यात आले आहे.  (Latest Marathi News)

एम राजकुमार यांची सोलापूर शहर पोलीस आयुक्तपदी, तर माजी आयुक्त राजेंद्र माने यांची महाराष्ट्र पोलीस प्रशिक्षण अकादमीच्या सहसंचालकपदी नियुक्ती करण्यात आली आहे.

पुणे (ग्रामीण) एसपी अंकित गोयल यांची गडचिरोली विभागात पदोन्नती करून बदली करण्यात आली आहे. नाशिक (ग्रामीण) एसपी शहाजी उमप यांची मुंबईला अतिरिक्त आयुक्त (विशेष शाखा) म्हणून बदली करण्यात आली. उमप यांच्या जागी नाशिक (ग्रामीण) एसपी म्हणून विक्रम देशमाने यांची नियुक्ती करण्यात आली असून ते ठाणे (ग्रामीण) एसपी होते.