सातारा : येथे एका धक्कादायक घटनेमुळं खळबळ माजली आहे. आज पहाटे अडीच वाजण्याच्या सुमारास अज्ञात चोरट्यांनी जिलेटिन कांड्यांचा स्फोट करुन बँक ऑफ महाराष्ट्रचे (Bank Of Maharashtra ATM) एटीएम फोडले. त्यानंतर चोरट्यांनी एटीएममध्ये असलेल्या ११ लाख रूपयांवर डल्ला मारला. ही धक्कादायक घटना शहरालगत असणाऱ्या पुणे-बेंगलोर राष्ट्रीय महामार्गावरील नागठाणे गावात घडलीय. (Gelatin sticks explosion in bank of Maharashtra ATM)
मिळालेल्या माहितीनुसार, चोरट्यांनी एटीएममध्ये प्रवेश केल्यानंतर काळ्या स्प्रे ने सीसीटीव्ही कॅमेरा बंद करून दरोडा टाकला. या चोरीच्या घटनेचा थरार सीसीटीव्ही कॅमेरात कैद झालं आहे. या घटनेची खबर पोलिसांना कळताच सातारा पोलीस अधीक्षक (Police) अजय कुमार बंसल यांनी घटनास्थळी धाव घेतली. त्यानंतर पोलिसांकडून अधिक तपास सुरु करण्यात आला आहे. चोरट्यांनी ११ लाखांची रक्कम लंपास केल्यामुळं परिसरात खळबळ माजली आहे.
Edited By - Naresh Shende
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
