आरोग्य विभागानं ऐनवेळी परीक्षा पुढे ढकलली, लाखो परीक्षार्थींना मोठा मनस्ताप

बुलढाणा : आरोग्य विभागाच्या क आणि ड वर्गाची भर्ती परीक्षा आज आणि उद्या होणार होती. मात्र प्रवेश पत्राचा गोंधळ, उडाल्याने ही भरती प्रक्रिया पुढे ढकलण्यात येत असल्याचे ऐनवेळी सांगितल्याने मोठा गोंधळ उडाला आहे.आरोग्य विभागाची परीक्षा पुढे ढकलण्यात आली आहे. विद्यार्थ्यांना अनेक तांत्रिक अडचणी येत आहेत. सार्वजनिक आरोग्य विभागाच्या वतीने गट क आणि ड प्रवर्गामधील कर्मचाऱ्यांची भरती करण्यात येत आहे.

हे देखील पहा-

याकरिता आज शनिवार (ता. २५) आणि रविवार (ता. २६) लेखी परीक्षा आयोजित करण्यात आली होती. परीक्षा केंद्र बाहेरच्या जिल्ह्यात असल्याने बुलढाणा येथून निघालेले हजारो परीक्षार्थी खामगाव या ठिकाणी रात्रभर अडकले. परतीच्या प्रवासासाठी एसटी आगाराने सुद्धा बस उपलबद्ध करून दिली नसल्याने, रात्रभर एसटी स्थानकावर काढावी लागली. त्यामुळे परीक्षार्थी ना नाहक त्रास सहन करावा लागला.

Edited By- Digambar Jadhav