मुख्याध्यापकाने केली पालकांना शिवीगाळ, व्हिडीओ व्हायरल झाल्याने समोर आली बाब !

नांदेड : शाळेत उशिरा का म्हणून जाब विचारणाऱ्या पालकालाच मुख्याध्यापकाने अश्लील भाषेत शिविगाळ करुन धमकी दिल्याची धक्कादायक घटना समोर आली आहे. नांदेड जिल्ह्यातील नायगाव तालुक्यातील मुगाव येथील जिल्हा परिषदेच्या शाळेत ही घटना घडली असून नजीर अहमद शेख असं या मुख्याध्यापकांच नाव आहे.

हे देखील पहा -

शाळेत उशीरा का आला जाब विचारत असतना मुख्याध्यापकाने केलेल्या शिवीगाळीचा सबंधीत पालकांनी व्हिडिओ केला होता तो त्यांनी सोशल मिडीयावरती व्हायरल देखील केला होता त्यामुळेच या प्रकरणाची गंभीर दखल शिक्षण विभागाने घेतली. आणि पालकाला शिवीगाळ करणाऱ्या मुख्याध्यापक नजीर अहमद शेख ला गट शिक्षणाधिकाऱ्यांनी निलंबित केलं.

कोरोनामुळे अगोदरच दिड वर्षापासून शाळा बंद आहेत अशातच मुख्याध्यापकाचे पालकाचे अशा प्रकारचे वर्तन विचार करायला लावणारे असून अशा प्रवृत्ती वरती कठोर कारवाई करण्यात यावी असा पालकवर्गाचा सुर आहे.

Edited By - Jagdish Patil