ट्रकने दिली जोरदार धडक, केमिकल्सवाहू टँकर उलटून पेटला, 2 मृत्यू

मनमाड : केमिकल्सची वाहतूक करत असलेल्या मोठ्या टँकरला ट्रकने मागून जबर धडक दिली आहे. या अपघातात टँकर पलटी होऊन, आग लागली आहे. ही घटना मुंबई- आग्रा महामार्गावर चांदवडच्या राहुड घाट या ठिकाणी घडली आहे. या अपघातात २ जणांचा मृत्यू झाला आहे. केमिकल्स नेणाऱ्या मोठ्या टँकरला ट्रकने मागून जोरदार धडक दिल्याने टँकर उलटून पेटला आहे.

हे देखील पहा-

या अपघातात २ जणांना प्राण गमवावे लागले, तर २ जण गंभीर जखमी झाले आहेत. मुंबई- आग्रा महामार्गावर चांदवड तालुक्यात राहुड घाटात हा भीषण अपघात झाला आहे. अपघाताची माहिती मिळताच पोलीस आणि अग्निशमन दल घटनास्थळी दाखल झाले आहेत. त्यांनी आगीवर नियंत्रण देखील मिळविले आहे.

टँकरमध्ये ज्वलनशील पदार्थ होते. मात्र, वेळीच आग विझवण्यात यश आल्याने पुढील मोठा अनर्थ टळला आहे. अपघातामुळे मुंबई- आग्रा महामार्गावर वाहतूक ३ तास ठप्प झाली होती. अपघात स्थळापासून काही अंतरावर वाहतूक थांबवण्यात आली होती. टँकर मुंबई येथून केमिकल्स घेऊन धुळ्याच्या दिशेने जात असताना हा भीषण अपघात झाला आहे.

Edited By- Digambar Jadhav