महाराष्ट्र राज्य परीक्षा परिषद पुणेच्या वतीने घेण्यात येणाऱ्या महाराष्ट्र शिक्षक पात्रता परीक्षा 2024 (Maharashtra Teacher Eligibility Test 2024)म्हणजेच टीईटीचे वेळापत्रक जाहीर करण्यात आले आहे. ही परीक्षा पुढच्या महिन्यात १० नोव्हेंबर रोजी घेतली जाणार आहे. परीक्षेसाठी अर्ज भरण्याची प्रक्रिया सुरू झाली असून उमेदवाराला ३० सप्टेंबरपर्यंत ऑनलाईन अर्ज भरता येणार आहे.
पहिली ते आठवीसाठी सर्व व्यवस्थापन, सर्व परीक्षा मंडळ, सर्व माध्यम अनुदानित, विनाअनुदानित, कायम विना अनुदानित इत्यादी शाळांमध्ये शिक्षण सेवक शिक्षक पदावर नियुक्तीसाठी उमेदवारांना प्रथमत: ही परीक्षा उत्तीर्ण होणे अनिवार्य आहे. शिक्षक होण्यासाठी इच्छुक उमेदवारांना आता ही परीक्षा द्यावी लागणार आहे. राज्य परीक्षा परिषदेकडून १० नोव्हेंबरला ही परीक्षा घेतली जाणार आहे.
या परीक्षेशी संबंधीत शासननिर्णय, अनुषगिक माहिती, सुचना महाराष्ट्र राज्य परीक्षा परिषदेच्या https://mahatet.in वेबसाइटवर उपलब्ध आहे. शिक्षक पात्रता परिक्षेसाठी उमेदवारांना ३० सप्टेंबरपर्यंत अर्ज भरता येणार असून प्रवेशपत्राची २८ ऑक्टोंबर ते १० नोव्हेंबरपर्यंत ऑनलाईन प्रिंन्ट काढता येणार आहे.
या परिक्षेचा पहिला पेपर १० नोव्हेंबर रोजी सकाळी १०.३० ते १ वाजेपर्यंत होणार आहे. तर दुसरा पेपर दुपारी २ ते ४.३० वाजेपर्यंत घेण्यात येणार आहे. महाराष्ट्र राज्य परिक्षा परिषद पुणेचे उपायुक्त संजय राठोड यांनी ही माहिती दिली. या परीक्षेसाठी अर्ज भरताना खोटी माहिती भरणाऱ्याविरोधात कायदेशीर कारवाई केली जाणार आहे. त्यामुळे अर्ज करताना उमेदवारांनी काळजी घेणं गरजेचे आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.