Accident : शाळेत निघालेल्या विद्यार्थ्याच्या सायकलला कारनं ठाेकरलं; मुलाच्या मृत्यूनं कुटुंबास बसला धक्का

- नवनीत तापडिया

Aurangabad : औरंगाबाद (Aurangabad) जिल्ह्यात एका शाळकरी (student) मुलास कारनं ठाेकरल्याने त्याचा जागीच मृत्यू झाला आहे. या घटनेने महालगावात शाेककळा पसरली आहे. पाेलीस या घटनेचा कसून तपास करीत आहेत. (Tajya Batmya)

वैजापूर जवळील बाजाठाण फाट्यावर भरधाव कारने दिलेल्या धडकेत 14 वर्षीय शाळकरी मुलगा जागीच ठार झाल्याची घटना बुधवारी घडली आहे. आनंद अशोक जगताप असे मृत मुलाचे नाव आहे. आनंद हा वैजापूर तालुक्यातील महालगाव येथील एका शाळेत नववीत शिक्षण घेत होता. (Aurangabad Latest Marathi News)

दररोज प्रमाणे आनंद सायकलने महालगाव येथे शाळेत जाण्यासाठी ताे निघाला असता बाजाठाण फाट्यावर पोहोचताच त्याला भरधाव कारने पाठीमागून जोरात धडक दिल्याने आनंद गंभीर जखमी झाला.

कार चालकाने त्याच वाहनातून आनंदला वैजापूर येथील उपजिल्हा रुग्णालयात दाखल केले. वैद्यकीय अधिकाऱ्यांनी तपासून त्याला मृत घोषित केले. आनंद हा तो एकुलता एक मुलगा हाेता. या घटनेने जगताप कुटुंबीयांवर दुःखाचा डोंगर कोसळला आहे. (Maharashtra News)

Edited By : Siddharth Latkar